Lífið

Ein­stakar myndir sýna sögu Há­skóla­bíós í gegnum tíðina

Auður Ösp Guðmundsdóttir skrifar
Desember 1981, frumsýning á kvikmyndinni Jón Oddur og Jón Bjarni í Háskólabíó. F.h. Þráinn Bertelson leikstjóri myndarinnar og Vigdís Finnbogadóttir forseti, Ástríður Magnúsdóttir dóttir Vigdísar og Jóhann Gísli Jóhannesson guðsonur Vigdísar í sýningarsal. 
Desember 1981, frumsýning á kvikmyndinni Jón Oddur og Jón Bjarni í Háskólabíó. F.h. Þráinn Bertelson leikstjóri myndarinnar og Vigdís Finnbogadóttir forseti, Ástríður Magnúsdóttir dóttir Vigdísar og Jóhann Gísli Jóhannesson guðsonur Vigdísar í sýningarsal.  Bjarnleifur Bjarnleifsson/Ljósmyndasafn Reykjavíkur

Nýlega var tilkynnt um að hætt verði rekstri kvikmyndahúss í Háskólabíó en þar með lýkur rúmlega 60 ára sögu bíósýninga í þessu sögufræga húsi. Ef marka má viðbrögð á samfélagsmiðlum er ljóst að Háskólabíó skipar stóran sess í huga marga Íslendinga.

Húsið var hannað af arkitektunum Gunnlaugi Halldórssyni og Guðmundi Kr. Kristinssyni og byggt á árunum 1956-1961.

Byggingin hefur einkennandi harmonikkulag sem hefur áhrif á hljómburð og með háum suðurhluta sem átti að gera kleift að draga sýningartjöld upp fyrir sviðið.

Það var vígt 6. október það ár á hálfrar aldar afmæli Háskóla Íslands. Það er í eigu Sáttmálasjóðs en 17. október 1941 var ákveðið að sjóðurinn skyldi eiga og reka kvikmyndahús Háskólans sem upphaflega var opnað í Tjarnarbíói 1942. Salir hússins eru líka notaðir undir kennslustofur.

Húsið var aðaltónleikahús Sinfóníuhljómsveitar Íslands um árabil eða þar til Tónlistarhúsið Harpa var tekið í notkun árið 2011. Á árunum 1985-1990 var reist viðbygging við húsið sem hýsir skrifstofur og minni sýningarsali. Árið 2002 hætti Háskóli Íslands rekstri á kvikmyndasýningum í Háskólabíói og gerði samning við Sambíóin um leigu á sýningaraðstöðunni. kvikmyndasýningar stóðu til 2023 þegar þeim var hætt.

Margir merkiviðburðir hafa átt sér stað í Háskólabíó í gegnum árin. Meðfylgjandi myndir eru úr safni Ljósmyndasafns Reykjavíkur og spanna sögu hússins sem skipar stóran sess í menningarlífi þjóðarinnar.

Aðalsalur Háskólabíós fullbúinn. Háskólabíó var vígt á hálfrar aldar afmæli Háskólans þann 6. október 1961.Pétur Thomsen/Ljósmyndasafn Reykjavíkur
27. maí 1960, Háskólabíó í smíðum.Gunnar Rúnar Ólafsson/Ljósmyndasafn Reykjavíkur
1960-1963, tónleikar Sinfóníuhljómsveitarinnar fyrir ungt fólk í Háskólabíó. Margmenni við innganginn í kvikmyndahúsið.Þjóðviljinn/Ljósmyndasafn Reykjavíkur
Apríl 1964, Sirkus kabarett sýnir listir sínar í Háskólabíó. Sirkusfólk bregður á leik með börnum úr áhorfenda hópnum. Þau móta blöðrur í ýmiss form, höfuðföt og hunda.Sveinn Þormóðsson/Ljósmyndasafn Reykjavíkur
20. júní 1970, Listahátíð í Reykjavík sett í Háskólabíó. Halldór Laxness flytur ræðu. Gunnar V. Andrésson/Ljósmyndasafn Reykjavíkur
Vor 1963, Háskólabíó við Hagatorg. Fjórir ungir menn standa fyrir utan útibú Landsbanka.Andrés Kolbeinsson/Ljósmyndasafn Reykjavíkur
Atlantshafsbandalagið fundar í Háskólabíó í júní árið 1987. Steingrímur Hermannsson forsætisráðherra í ræðustólKristján A. Einarsson/Ljósmyndasafn Reykjavíkur
19. apríl 1970, fegurðardrottning Íslands valin í Háskólabíó. Keppendur stilla sér upp í sundbolum á sviði Háskólabíós. Hljómsveit í bakgrunni. Ljósmyndasafn Reykjavíkur
Desember 1981, frumsýning á kvikmyndinni Jón Oddur og Jón Bjarni í Háskólabíó. F.h. Þráinn Bertelson leikstjóri myndarinnar og Vigdís Finnbogadóttir forseti, Ástríður Magnúsdóttir dóttir Vigdísar og Jóhann Gísli Jóhannesson guðsonur Vigdísar í sýningarsal. Bjarnleifur Bjarnleifsson/Ljósmyndasafn Reykjavíkur
12. október 1986. Leiðtogafundurinn í Reykjavík. Ráðamenn Sovétríkjanna á blaðamannafundi í Háskólabíó eftir fjórða og síðasta leiðtogafundinn í Höfða. Mikhail Gorbachev talar til blaðamanna. Lengst t.h. er Gyorgy Arbatov, helsti sérfræðingur Sovétmanna í málefnum Norður-Ameríku en lengst t.v. er Eduard Shevardnadze utanríkisráðherra. Brynjar Gauti Sveinsson/Ljósmyndasafn Reykjavíkur
19. apríl 1970, fegurðardrottning Íslands valin í Háskólabíó. Árni Johnsen kynnir keppendur. Ljósmyndasafn Reykjavíkur
1961, Háskólabíó flóðlýst, þegar það var vígt.Andrés Kolbeinsson/Ljósmyndasafn Reykjavíkur
Júlí 1989, framvæmdir vegna nýbyggingar við Háskólabíó. Yfirlitsmynd af framkvæmdunum.Jóhann A. Kristjánsson/ Ljósmyndasafn Reykjavíkur
Febrúar 1966, bandaríska söngkonan Ella Fitzgerald með tónleika í Háskólabíó.Bjarnleifur Bjarnleifsson/Ljósmyndasafn Reykjavíkur
Júní 1980, Óðal feðranna eftir Hrafn Gunnlaugsson frumsýnd í Háskólabíó. Hrafn Gunnlaugsson leikstjóri tekur á móti gestum. Hrafn og Davíð Oddsson borgarstjóri, í baksýn er Þorsteinn Pálsson.Gunnar V. Andrésson/Ljósmyndasafn Reykjavíkur

Um Ljósmyndasafnið

Ljósmyndasafn Reykjavíkur er miðstöð ljósmynda þar sem fortíðin og nútíminn mætast. Markmið safnsins er að varðveita, safna og sýna bæði sögulega og samtímaljósmyndun í listrænu, félags- og menningarlegu samhengi.

Í Ljósmyndasafni Reykjavíkur eru nú varðveittar um 6,5 milljónir ljósmynda af ýmsum stærðum og gerðum. Elstu myndirnar eru frá því um 1860 og þær yngstu frá 2020. Ljósmyndasafn Reykjavíkur setur upp á annan tug sýninga ár hvert. Markmiðið er að kynna íslenska ljósmyndara og koma á framfæri, sýna verk úr safneign sem og að sýna verk erlendra ljósmyndara.

Reykjavík Tímamót Bíó og sjónvarp Kvikmyndahús Einu sinni var...

Tengdar fréttir

Kunnug­leg and­lit á djamminu í Hollywood í gamla daga

„Nýr skemmtistaður, Hollywood, var opnaður i gærkvöldi með „grandeur" sem hæfir nafninu. Fullt var út að dyrum og margir urðu frá að hverfa.“ Þannig hófst frétt sem birtist á forsíðu Vísis þann 3. mars árið 1978.

Svona litu íslensk fangelsi út árið 1988

Árið 1988 voru fimm fangelsi starfrækt á Íslandi; Litla Hraun, Kvíabryggja, Hegningarhúsið, Síðumúlafangelsi og fangelsið á Akureyri. Bragi Þór Jósefsson ljósmyndari eyddi degi á Litla Hrauni og í Hegningarhúsinu á Skólavörðustíg og náði þar einstökum ljósmyndum sem sýna vistarverurnar í fangelsunum á þessum tíma.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.