Hjalti Þór hættur með Kefla­vík

Keflavík fór á Sauðárkrók í kvöld vitandi að sigur myndi senda liðið í sumarfrí. Gestirnir náðu aldrei takti og heimamenn unnu frábæran 18 stiga sigur, 97-79, við dynjandi lófatak stuðningsfólk Tindastóls. 

Eftir leik staðfesti Hjalti Þór að þetta hefði verið hans síðasti leikur sem þjálfari meistaraflokks karla hjá Keflavík. Hann hefur stýrt Keflavík frá tímabilinu 2019-20. 

Undir stjórn Hjalta Þórs varð Keflavík deildarmeistari vorið 2021 og fór alla leið í úrslitaeinvígið en laut í gras gegn Þór Þorlákshöfn sem vann einvígið 3-1 í leikjum.