Gísli Þor­geir öflugur í stór­sigri

Gísli Þorgeir skoraði sex mörk í níu marka sigri á Hamm-Westfalen. Sóknarleikur beggja liða var stirður í fyrri hálfleik en heimamenn í Hamm-Westfalen skoruðu aðeins 8 mörk á fyrstu 30 mínútum leiksins.

Fór það að endingu svo að Magdeburg vann þægilega níu marka útisigur, lokatölur 27-36. Sem stendur eru meistararnir í 4. sæti deildarinnar með 35 stig að loknum 22 leikjum eða fjórum stigum minna en topplið Füchse Berlin sem hefur leikið leik meira.

Þá voru tveir íslenskir landsliðsmenn á ferðinni í fjögurra marka tapi MT Melsungen gegn Kiel, lokatölur þar 19-23. Elvar Örn Jónsson skoraði þrjú mörk og gaf eina stoðsendingu á meðan Arnar Freyr Arnarsson skoraði eitt mark.

Melsungen er í 12. sæti með 20 stig að loknum 23 leikjum.