Veður

Allt að 22 stiga frost í dag

Ólafur Björn Sverrisson skrifar
Frostið mun að öllum líkindum vara fram að næstu helgi.
Frostið mun að öllum líkindum vara fram að næstu helgi. vísir/vilhelm

Frost verður allt á bilinu 6 til 22 stig í dag. Ekkert lát virðist ætla að verða á kuldakastinu sem hefur bitið síðustu daga.

Kaldast verður inn til landsins norðaustanlands. Áfram­hald­andi norðlæg átt verður á land­inu, víða 5-13 m/​s en að 15 m/​s suðaust­an­til. Élja­gang­ur verður á Norður- og Aust­ur­landi, en ann­ars yf­ir­leitt létt­skýjað.

Gert er ráð fyrir því að frostið verði svipað næstu vikuna. Á morgun er gert ráð fyrir éljum á norðurhelming landsins en annars bjart. Frost 2 til 14 stig.

Einar Sveinbjörnsson veðurfræðingur segir að kuldinn stafi af hreinræktuðu heimskautalofti af ísbreiðunum nærri norðurpólnum.

Veður

Mest lesið


Fleiri fréttir

Sjá meira


×

Mest lesið