Körfu­bolta­kvöld um Grinda­vík: „Ís­lenskasta liðið, villtir og til í að vera í böggi allan leikinn“

„Grindavíkurliðið, þetta er einhvern veginn íslenskasta liðið. Villtir, til í að vera í böggi allan leikinn, taka rispur og ná 20 stiga forskoti, geta allir dekkað stærri leikmenn og geggjuð stemning í stúkunni alltaf. Þetta er svo fallegt,“ sagði Kjartan Atli.

„Óli Óla [Ólafur Ólafsson] er einhver skemmtilegasti og besti leikmaður í deildinni. Þegar hann spilar vel geta þeir unnið alla. Svo eru strákar sem margir hafa afskrifað, Kristófer Breki og fleiri. Ég sá til dæmis ekki Braga Guðmundsson koma svona sterkan inn. Maður hefur verið að horfa á erlendu leikmennina hjá þeim og fussað og sveiað en alltaf ná þeir að kreista fram sigra þegar maður hefur afskrifað þá,“ sagði Örvar Þór Kristjánsson.

Grindavík vann hádramatískan sigur á Þór Þorlákshöfn í síðasta leik ársins og er í 7. sæti deildarinnar með sex sigra í 11 leikjum. Umræðu Körfuboltakvölds um „íslenskasta lið“ deildarinnar má sjá hér að neðan.