Skilorðsbundin refsing fyrir að afla kynferðislegra mynda af börnum Árni Sæberg skrifar 25. nóvember 2022 20:09 Maðurinn framdi brot sín á samfélagsmiðlinum Snapchat. Ungur karlmaður var í upphafi mánaðar dæmdur til fjögurra mánaða skilorðsbundinnar fangelsisvistar fyrir að hafa aflað og reynt að afla kynferðislegra ljósmynda af stúlkum á aldrinum tólf til fjórtán ára. Dómur í málinu féll þann 4. nóvember síðastliðinn en brotin sem maðurinn var sakfelldur fyrir voru framin á tímabilinu 8. til 20. febrúar 2021. Málið var upphaflega þingfest í janúar þessa árs og aðalmeðferð fór fram í júní. Dómur var hins vegar ekki kveðinn upp í kjölfar hennar og aðalmeðferð fór fram að nýju í byrjun október. Upphaflega var maðurinn, sem er nítján ára gamall, ákærður fyrir brot í þrettán liðum og tilraunir til brota í níu liðum. Við aðra aðalmeðferð féll ákæru í átta liðum vegna breytinga á almennum hegningarlögum sem leiddu til þess að falla ætti frá ákærum í þeim liðum þar sem brotaþolar voru eldri en fjórtán ára. Þá var fallið frá einum ákærulið þar sem brotaþoli neitaði að gefa skýrslu fyrir dómi á ný og vildi ekki frekari afskipti lögreglu eða ákæruvalds. Greiddi rúmlega eina milljón króna fyrir „rassamyndir“ Rannsókn málsins hófst í febrúar árið 2021 þegar foreldrar stúlkna tilkynntu lögreglu ætluð kynferðisbrot gagnvart stúlkunum í gegnum samfélagsmiðla með dreifingu mynda gegn greiðslu. Foreldrar stúlknanna höfðu þá komist að því að þær hefðu verið í samskiptum við mann á samfélagsmiðlinum Snapchat sem hefði greitt þeim fyrir svokallaðar „rassamyndir“. Grunur féll fljótlega á manninn og við rannsókn fundust ljósmyndir af óþekktum stúlkum í síma hans og upplýsingar um umfangsmiklar millifærslur af bankareikningi hans. Maðurinn neitaði sök í yfirheyrslum og sagðist hafa átt peninga sem hefðu komið frá föður hans sem hann ætti ekki í góðu sambandi við. Hann hefði því ákveðið að gefa þá. Hann hefði því gefið þeim peninga sem beðið hefðu um þá. Tilgangur þess hafi ekki verið að fá myndir eða nokkuð annað í staðinn. Samkvæmt yfirliti yfir greiðslur sem brotaþolar mannsins, auk tveggja stúlkna, fengu frá manninum greiddi hann þeim alls 1.192.500 krónur í 124 færslum yfir tveggja vikna tímabil. Maðurinn greiddi hverri stúlku á bilinu fjögur þúsund krónur til tæplega 200 þúsund krónur. Fékk fjölda mynda af stúlkunum Maðurinn var sakfelldur í öllum ákæruliðum utan tveggja, ýmist fyrir að hafa fengið eða gert tilraun til að fá kynferðislegar myndir af stúlkum á aldrinum tólf til fjórtán ára. Maðurinn bar fyrir sig að hafa ekki vitað aldur stúlknanna en dómurinn leit svo á að hann hefði sannanlega vitað að stúlkurnar væru undir fimmtán ára aldri eða látið sér aldur þeirra í léttu rúmi liggja. Þá segir í dóminum að framburður stúlknanna hafi verið afar trúverðugur og samhljóða í öllum aðalatriðum. Framburður mannsins hafi hins vegar ekki verið metinn trúverðugur. Nýlega orðinn átján ára þegar brotahrinan hófst Við ákvörðun refsingar mannsins var litið til þess að hann hafi aðeins nýlega verið orðinn átján ára gamall þegar hann framdi brotin sem hann var sakfelldur fyrir og að hann hafi ekki áður verið dæmdur til refsingar. Hins vegar var litið til þess til refsihækkunar, í samræmi við ákvæði hegningarlaga um kynferðisbrot gegn börnum, að hann hefði framið brot sín með kerfisbundnum hætti. Þá var einnig litið til þess að brotaþolar í málinu hafi verið stúlkur sem voru aðeins tólf til fjórtán ára þegar maðurinn framdi brot sín og að brotavilji hans hafi verið styrkur og einbeittur. Með vísan til þess var maðurinn dæmdur til fjögurra mánaða skilorðsbundinnar fangelsisvistar. Þá var hann dæmdur til þess að greiða foreldrum fimm stúlknanna miskabætur að fjárhæð 200 þúsund krónur fyrir þeirra hönd. Miskabótakröfum fjögurra foreldra var vísað frá dómi þar sem ákæruvaldið hafði fallið frá ákærum sem vörðuðu börn þeirra. Aðrir foreldrar gerðu ekki miskabótakröfu. Þá var manninum gert að greiða helming sakarkostnaðar málsins, en helmingur féll á ríkissjóð vegna þess að manninum varð ekki kennt um að tvær aðalmeðferðir fóru fram í málinu. Dóm héraðsdóms Reykjavíkur má lesa í heild sinni hér. Kynferðisofbeldi Ofbeldi gegn börnum Samfélagsmiðlar Mest lesið Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Þrjár líkamsárásir og yfir tuttugu ungmenni í athvarf Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Fleiri fréttir Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Sjá meira
Dómur í málinu féll þann 4. nóvember síðastliðinn en brotin sem maðurinn var sakfelldur fyrir voru framin á tímabilinu 8. til 20. febrúar 2021. Málið var upphaflega þingfest í janúar þessa árs og aðalmeðferð fór fram í júní. Dómur var hins vegar ekki kveðinn upp í kjölfar hennar og aðalmeðferð fór fram að nýju í byrjun október. Upphaflega var maðurinn, sem er nítján ára gamall, ákærður fyrir brot í þrettán liðum og tilraunir til brota í níu liðum. Við aðra aðalmeðferð féll ákæru í átta liðum vegna breytinga á almennum hegningarlögum sem leiddu til þess að falla ætti frá ákærum í þeim liðum þar sem brotaþolar voru eldri en fjórtán ára. Þá var fallið frá einum ákærulið þar sem brotaþoli neitaði að gefa skýrslu fyrir dómi á ný og vildi ekki frekari afskipti lögreglu eða ákæruvalds. Greiddi rúmlega eina milljón króna fyrir „rassamyndir“ Rannsókn málsins hófst í febrúar árið 2021 þegar foreldrar stúlkna tilkynntu lögreglu ætluð kynferðisbrot gagnvart stúlkunum í gegnum samfélagsmiðla með dreifingu mynda gegn greiðslu. Foreldrar stúlknanna höfðu þá komist að því að þær hefðu verið í samskiptum við mann á samfélagsmiðlinum Snapchat sem hefði greitt þeim fyrir svokallaðar „rassamyndir“. Grunur féll fljótlega á manninn og við rannsókn fundust ljósmyndir af óþekktum stúlkum í síma hans og upplýsingar um umfangsmiklar millifærslur af bankareikningi hans. Maðurinn neitaði sök í yfirheyrslum og sagðist hafa átt peninga sem hefðu komið frá föður hans sem hann ætti ekki í góðu sambandi við. Hann hefði því ákveðið að gefa þá. Hann hefði því gefið þeim peninga sem beðið hefðu um þá. Tilgangur þess hafi ekki verið að fá myndir eða nokkuð annað í staðinn. Samkvæmt yfirliti yfir greiðslur sem brotaþolar mannsins, auk tveggja stúlkna, fengu frá manninum greiddi hann þeim alls 1.192.500 krónur í 124 færslum yfir tveggja vikna tímabil. Maðurinn greiddi hverri stúlku á bilinu fjögur þúsund krónur til tæplega 200 þúsund krónur. Fékk fjölda mynda af stúlkunum Maðurinn var sakfelldur í öllum ákæruliðum utan tveggja, ýmist fyrir að hafa fengið eða gert tilraun til að fá kynferðislegar myndir af stúlkum á aldrinum tólf til fjórtán ára. Maðurinn bar fyrir sig að hafa ekki vitað aldur stúlknanna en dómurinn leit svo á að hann hefði sannanlega vitað að stúlkurnar væru undir fimmtán ára aldri eða látið sér aldur þeirra í léttu rúmi liggja. Þá segir í dóminum að framburður stúlknanna hafi verið afar trúverðugur og samhljóða í öllum aðalatriðum. Framburður mannsins hafi hins vegar ekki verið metinn trúverðugur. Nýlega orðinn átján ára þegar brotahrinan hófst Við ákvörðun refsingar mannsins var litið til þess að hann hafi aðeins nýlega verið orðinn átján ára gamall þegar hann framdi brotin sem hann var sakfelldur fyrir og að hann hafi ekki áður verið dæmdur til refsingar. Hins vegar var litið til þess til refsihækkunar, í samræmi við ákvæði hegningarlaga um kynferðisbrot gegn börnum, að hann hefði framið brot sín með kerfisbundnum hætti. Þá var einnig litið til þess að brotaþolar í málinu hafi verið stúlkur sem voru aðeins tólf til fjórtán ára þegar maðurinn framdi brot sín og að brotavilji hans hafi verið styrkur og einbeittur. Með vísan til þess var maðurinn dæmdur til fjögurra mánaða skilorðsbundinnar fangelsisvistar. Þá var hann dæmdur til þess að greiða foreldrum fimm stúlknanna miskabætur að fjárhæð 200 þúsund krónur fyrir þeirra hönd. Miskabótakröfum fjögurra foreldra var vísað frá dómi þar sem ákæruvaldið hafði fallið frá ákærum sem vörðuðu börn þeirra. Aðrir foreldrar gerðu ekki miskabótakröfu. Þá var manninum gert að greiða helming sakarkostnaðar málsins, en helmingur féll á ríkissjóð vegna þess að manninum varð ekki kennt um að tvær aðalmeðferðir fóru fram í málinu. Dóm héraðsdóms Reykjavíkur má lesa í heild sinni hér.
Kynferðisofbeldi Ofbeldi gegn börnum Samfélagsmiðlar Mest lesið Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Þrjár líkamsárásir og yfir tuttugu ungmenni í athvarf Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Fleiri fréttir Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Sjá meira