Varaþingmaður hættur í Flokki fólksins vegna hrossamálsins Kolbeinn Tumi Daðason skrifar 6. september 2022 16:32 Inga Sæland brennur fyrir dýraheilbrigði og bað varaþingmann flokksins í Norðvesturkjördæmi um að stíga til hliðar um leið og hún heyrði af tengingu flokksins við málið. Vísir/Vilhelm Varaþingmaður Flokks fólksins er hættur í flokknum vegna tengsla við meint dýraníð í Borgarfirði. Formanni flokksins blöskraði að varaþingmaðurinn væri tengdur málinu. Samkvæmt heimildum fréttastofu er umræddur varaþingmaður Flokks fólksins Þórunn Björg Bjarnadóttir landbúnaðarverkakona. Hún skipaði annað sæti lista flokksins í Norðvesturkjördæmi í Alþingiskosningunum í fyrrahaust. Inga í áfalli Mikið hefur verið fjallað um bónda í Borgarfirði sem sakaður hefur verið um illa meðferð hrossa. Þórunn Björg hefur samkvæmt upplýsingum fréttastofu komið að ræktun hrossanna ásamt bóndanum. „Það kom okkur gjörsamlega í okkar skjöldu,“ segir Inga Sæland sem var til viðtals í Reykjavík síðdegis á Bylgjunni í dag. Hún segir málið slá sig mjög illa. „Þetta er vægast sagt skelfilegt. Það verður bara að horfast í augu við það að í samfélaginu á sér stað því miður ótrúlega mikið af illri meðferð á dýrum án þess að við vitum af því.“ Inga segir að haft hafi verið samband við varaþingmanninn sem hafi ákveðið að stíga til hliðar. Þórunn Björg var í öðru sæti á lista Flokks fólksins í kosningunum í fyrrahaust.Flokkur fólksins Nágrannar hafa lýst yfir miklum áhyggjum af meintu dýraníði enda hafi þeir endurtekið í sumar kallað eftir aðgerðum frá Matvælastofnun til að bjarga dýrunum. Fyrri eigendur hesta hafa kallað eftir því að endurheimta þau eftir að hafa séð myndir af fyrri skepnum sínum þar sem þau virðast vannærð. Ríkisendurskoðun hefur ákveðið að ráðast í frumkvæðisúttekt á dýraeftirliti MAST sem hefur ekki viljað tjá sig um málið. Stofnunin ber fyrir sig að mega ekki tjá sig um einstök mál auk þess sem fara verði varlega í að svipta eigendur dýrum sínum þótt lagaheimild sé fyrir hendi. Halalausar kýr Vísir greindi frá því í gær að umræddur bóndi í Borgarfirði hefði verið ákærður fyrir dýraníð fyrir tæpum áratug. Árið 2012 upplýstu þrír fyrrverandi vinnumenn á bænum Matvælastofnun um að gripir á bænum hefðu sætt harðýðgi af hálfu bóndans. Ári síðar gaf lögreglustjórinn í Borgarnesi út ákæru á hendur honum. Við eftirlit starfsmanna Matvælastofnunar hafði komið í ljós að sjö kýr höfðu misst hluta eða megnið af halanum og um eða yfir tuttugu voru með halabrot eða halaslit. Þá var rör, sem notað var til að hindra kýr i að skíta upp í básana, laust og hvíldi á herðum kúa svo komið var far eftir rörið. Bóndinn var sýknaður en hann sagði móður sína hafa verið umráðamann dýranna á þeim tíma sem brotin áttu sér stað. Sjálf sagði móðirin að hún hefði sagt fyrir verkum í fjósinu þegar meint brot áttu sér stað og haft eftirlit með bústörfum. Það þótti því ekki sýnt fram á að hann hefði verið umráðamaður nautgripanna. Fréttastofa hefur ítrekað reynt að ná tali af bóndanum síðan málið kom upp en hann hefur ekki svarað símtölum eða skilaboðum. Finnst MAST vera grútmáttlaust Inga hefur barist grimmilega fyrir því að blóðmerahald á Íslandi verði stöðvað. Hún segir dýraníð eiga sér stað með þöglu samþykki stjórnvalda. „Mér finnst eftirlit MAST vera grútmáttlaust. Það er óumdeilt að eftirlit MAST er ekki að virka og kominn tími til að stokka þá starfsemi upp með rótum.“ Hún ætlar að taka málið upp þegar Alþingi kemur saman um miðjan mánuðinn. Fréttin hefur verið uppfærð. Í fyrri útgáfu sagði að Inga hefði rætt við varaþingmanninn sem hefði verið vikið úr flokknum. Inga áréttar að haft hafi verið samband við varaþingmanninn vegna málsins sem hafi ákveðið að stíga til hliðar. Dýraníð í Borgarfirði Dýraheilbrigði Borgarbyggð Flokkur fólksins Norðvesturkjördæmi Alþingi Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Í áfalli eftir að hafa fengið bréf frá árásarmanninum inn um lúguna Erlent Hafi látið högg og spörk dynja á foreldrunum í tíu klukkustundir Innlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum Sjá meira
Samkvæmt heimildum fréttastofu er umræddur varaþingmaður Flokks fólksins Þórunn Björg Bjarnadóttir landbúnaðarverkakona. Hún skipaði annað sæti lista flokksins í Norðvesturkjördæmi í Alþingiskosningunum í fyrrahaust. Inga í áfalli Mikið hefur verið fjallað um bónda í Borgarfirði sem sakaður hefur verið um illa meðferð hrossa. Þórunn Björg hefur samkvæmt upplýsingum fréttastofu komið að ræktun hrossanna ásamt bóndanum. „Það kom okkur gjörsamlega í okkar skjöldu,“ segir Inga Sæland sem var til viðtals í Reykjavík síðdegis á Bylgjunni í dag. Hún segir málið slá sig mjög illa. „Þetta er vægast sagt skelfilegt. Það verður bara að horfast í augu við það að í samfélaginu á sér stað því miður ótrúlega mikið af illri meðferð á dýrum án þess að við vitum af því.“ Inga segir að haft hafi verið samband við varaþingmanninn sem hafi ákveðið að stíga til hliðar. Þórunn Björg var í öðru sæti á lista Flokks fólksins í kosningunum í fyrrahaust.Flokkur fólksins Nágrannar hafa lýst yfir miklum áhyggjum af meintu dýraníði enda hafi þeir endurtekið í sumar kallað eftir aðgerðum frá Matvælastofnun til að bjarga dýrunum. Fyrri eigendur hesta hafa kallað eftir því að endurheimta þau eftir að hafa séð myndir af fyrri skepnum sínum þar sem þau virðast vannærð. Ríkisendurskoðun hefur ákveðið að ráðast í frumkvæðisúttekt á dýraeftirliti MAST sem hefur ekki viljað tjá sig um málið. Stofnunin ber fyrir sig að mega ekki tjá sig um einstök mál auk þess sem fara verði varlega í að svipta eigendur dýrum sínum þótt lagaheimild sé fyrir hendi. Halalausar kýr Vísir greindi frá því í gær að umræddur bóndi í Borgarfirði hefði verið ákærður fyrir dýraníð fyrir tæpum áratug. Árið 2012 upplýstu þrír fyrrverandi vinnumenn á bænum Matvælastofnun um að gripir á bænum hefðu sætt harðýðgi af hálfu bóndans. Ári síðar gaf lögreglustjórinn í Borgarnesi út ákæru á hendur honum. Við eftirlit starfsmanna Matvælastofnunar hafði komið í ljós að sjö kýr höfðu misst hluta eða megnið af halanum og um eða yfir tuttugu voru með halabrot eða halaslit. Þá var rör, sem notað var til að hindra kýr i að skíta upp í básana, laust og hvíldi á herðum kúa svo komið var far eftir rörið. Bóndinn var sýknaður en hann sagði móður sína hafa verið umráðamann dýranna á þeim tíma sem brotin áttu sér stað. Sjálf sagði móðirin að hún hefði sagt fyrir verkum í fjósinu þegar meint brot áttu sér stað og haft eftirlit með bústörfum. Það þótti því ekki sýnt fram á að hann hefði verið umráðamaður nautgripanna. Fréttastofa hefur ítrekað reynt að ná tali af bóndanum síðan málið kom upp en hann hefur ekki svarað símtölum eða skilaboðum. Finnst MAST vera grútmáttlaust Inga hefur barist grimmilega fyrir því að blóðmerahald á Íslandi verði stöðvað. Hún segir dýraníð eiga sér stað með þöglu samþykki stjórnvalda. „Mér finnst eftirlit MAST vera grútmáttlaust. Það er óumdeilt að eftirlit MAST er ekki að virka og kominn tími til að stokka þá starfsemi upp með rótum.“ Hún ætlar að taka málið upp þegar Alþingi kemur saman um miðjan mánuðinn. Fréttin hefur verið uppfærð. Í fyrri útgáfu sagði að Inga hefði rætt við varaþingmanninn sem hefði verið vikið úr flokknum. Inga áréttar að haft hafi verið samband við varaþingmanninn vegna málsins sem hafi ákveðið að stíga til hliðar.
Dýraníð í Borgarfirði Dýraheilbrigði Borgarbyggð Flokkur fólksins Norðvesturkjördæmi Alþingi Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Í áfalli eftir að hafa fengið bréf frá árásarmanninum inn um lúguna Erlent Hafi látið högg og spörk dynja á foreldrunum í tíu klukkustundir Innlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum Sjá meira