Hrund skipuð fram­kvæmda­stjóri hjúkrunar til ára­móta

Á vef Landspítalans segir að Hrund hafi útskrifast sem hjúkrunarfræðingur frá hjúkrunarfræðideild Háskóla Íslands 1982, með meistaragráðu í hjúkrunarfræði frá University of Wisconsin – Madison 1990 og með doktorsgráðu í hjúkrunarfræði frá hjúkrunarfræðideild Háskóla Íslands 2013. 

„Hún hefur starfað á ýmsum deildum Landspítala síðan 1982, lengst af við stjórnun, auk þess að sinna kennslu við hjúkrunarfræðideild Háskóla Íslands. Hún starfar nú sem deildarstjóri menntadeildar spítalans.“