Innlent

Sam­eina menningu, ferða­mál, í­þróttir og tóm­stundir undir eitt svið

Bjarki Sigurðsson skrifar
Er þetta í samræmi við nýjan samstarfssáttmála núverandi meirihluta. Á myndinni má sjá Einar Þorsteinsson, borgarfulltrúa Framsóknarflokksins, Þórdísi Lói Þórhallsdóttur, borgarfulltrúa Viðreisnar (f.m.) og Dóru Björt Guðjónsdóttur, borgarfulltrúa Pírata (t.h), þegar þau kynntu nýjan meirihluta í borgarstjórn Reykjavíkur á öðrum degi hvítasunnu.
Er þetta í samræmi við nýjan samstarfssáttmála núverandi meirihluta. Á myndinni má sjá Einar Þorsteinsson, borgarfulltrúa Framsóknarflokksins, Þórdísi Lói Þórhallsdóttur, borgarfulltrúa Viðreisnar (f.m.) og Dóru Björt Guðjónsdóttur, borgarfulltrúa Pírata (t.h), þegar þau kynntu nýjan meirihluta í borgarstjórn Reykjavíkur á öðrum degi hvítasunnu. Vísir/Vilhelm

Borgarráð samþykkti í dag að sameina menningar- og ferðamálasvið (MOF) og íþrótta- og tómstundasvið (ÍTR). Markmiðið er að styrkja málaflokkana með því að nýta samlegð í innviðum.

Þetta kemur fram í tilkynningu frá Reykjavíkurborg en þar segir að breytingin sé í samræmi við samstarfssáttmála núverandi meirihluta.

Auglýst verður nýtt starf sviðsstjóra sviðsins en það mun heita menningar-, íþrótta- og tómstundasvið Reykjavíkurborgar.

Starfshópur embættismanna mun halda utan um sameininguna og verður áhersla lögð á samráð við stjórnendur og annað starfsfólk sviðanna. Borgarritara hefur verið falið að leiða starfshópinn og undirbúning sameiningar þar til nýr sviðsstjóri tekur til starfa.

Reykjavík Borgarstjórn Framsóknarflokkurinn Viðreisn Samfylkingin Píratar

Mest lesið


Fleiri fréttir

Sjá meira


×

Mest lesið