Sýndu á bak við tjöldin frá upp­tökum á Bestu deildar aug­lýsingunni frægu

Hannes Þór Halldórsson lagði skóna á hilluna fyrir tímabilið en hann tók að sér að gera þessa auglýsingu fyrir Bestu deildirnar.

Nú er hægt að sjá svipmyndir frá tjaldabaki þegar auglýsingin var tekin upp.

Þar má sjá þekkt atriði í auglýsingunni frá nýju sjónarhorni en eins svipmyndir frá því hvernig leikarar og tökufólk hafði það á milli þess að verið var að taka upp þessi ógleymanlegu atriði.

Óskar Örn Hauksson mætti auðvitað á hvíta hestinum sem virtist kunna ágætlega við sig með leikjahæsta leikmann efstu deildar karla á bakinu.

Gerð auglýsingarinnar var mikið fyrirtæki eins og sjá má hér fyrir neðan.