Ísak Snær til Breiðabliks

Ísak, sem er tvítugur, er uppalinn hjá Aftureldingu en fór ungur til Norwich City á Englandi. Hann fékk sig lausan undan samningi við liðið og gat því samið við Breiðablik.

Á síðasta tímabili lék Ísak 25 leiki með ÍA í deild og bikar og skoraði fjögur mörk. Skagamenn björguðu sér frá falli úr Pepsi Max-deildinni á ævintýralegan hátt og komust í bikarúrslit. Tímabilið 2020 lék Ísak sjö deildarleiki með ÍA.

Ísak er þriðji leikmaðurinn sem Breiðablik fær til sín eftir að síðasta tímabili lauk. Áður voru Juan Camilo Pérez frá Venesúela og Dagur Dan Þórhallsson frá Fylki komnir til Kópavogsliðsins.

Á síðasta tímabili endaði Breiðablik í 2. sæti Pepsi Max-deildarinnar. Þetta voru þriðju silfurverðlaun Blika á síðustu fjórum árum.