Procar- og Skeljungsmálið komin til saksóknara Kolbeinn Tumi Daðason skrifar 16. desember 2021 16:45 Procar- og Skeljungsmálið er nú komið til saksóknara. Vísir/Vilhelm Rannsókn Embættis héraðssaksóknara á tveimur umfangsmiklum efnahagsbrotamálum er lokið. Um er að ræða Skeljungsmálið annars vegar og Procar-málið hins vegar. Kjarninn greindi fyrst frá. Ólafur Þór Hauksson héraðssaksóknari segir í samtali við fréttastofu að rannsókn Procars-málsins hafi lokið í síðustu viku og Skeljungsmálsins í þessari viku. Málunum hafi verið vísað til saksóknara sem tekur ákvörðun um hvort ákært verði í málinu. Má reikna með að nokkrar vikur líði þar til niðurstaða fæst. Kæra Íslandsbanka árið 2016 Fram kom í fréttum sumarið 2018 að Embætti héraðssaksóknara hefði til rannsóknar kaup hjónanna Guðmundar Arnar Þórðarsonar og Svanhildar Nönnu Vigfúsdóttur, ásamt öðrum fjárfestum, í Skeljungi árið 2008 og færeyska olíufélaginu P/F Magn árið 2009. Rannsóknin kom til vegna kæru sem Íslandsbanki lagði fram árið 2016 en hlutirnir í félögunum voru í eigu Glitnis þegar þeir voru seldir. Fimm voru handteknir og ráðist í húsleitir þar sem hald var lagt á gögn, skjöl og tölvur. Enginn var úrskurðaður í gæsluvarðhald vegna málsins og var þeim sem handteknir voru því sleppt að loknum skýrslutökum. Daginn eftir var tilkynnt að Svanhildur Nanna hefði látið af stjórnarformennsku hjá tryggingafélaginu VÍS. „Kaup okkar á hlutum í umræddum félögum bar að með eðlilegum hætti og við teljum einsýnt, að opinber rannsókn á viðskiptunum muni eyða öllum vafa um réttmæti þeirra,“ sagði Svanhildur Nanna í yfirlýsingu við það tilefni. Grunur á sölu á undirverði Salan á Skeljungi og P/F Magn var skoðuð hjá bankanum sjálfum eftir að Glitnir varð að Íslandsbanka þar sem grunur lék á að starfsmenn bankans hefðu hagnast óeðlilega mikið á sölum í hlutum í félögunum og að þau hefðu verið seld á undirverði. Fram kom í frétt Ríkisútvarpsins á sínum tíma að sú skoðun bankans hefði ekki leitt neitt grunsamlegt í ljós. Íslandsbanki hefði engu að síður tekið málið upp aftur árið 2016 og kært þrjá einstaklinga sem henni tengdust til lögreglu. Þar kemur jafnframt fram að sá sem hélt utan um söluna hjá Glitni hafi verið Einar Örn Ólafsson sem síðar var ráðinn forstjóri Skeljungs af þeim Svanhildi og Guðmundi. Unnu saman í ráðgjöf hjá Glitni Fram kemur í frétt Kjarnans að auk hjónanna og Einars Arnar hafi þau Halla Sigrún Hjartardóttir og Kári Guðjónsson, sem unnu saman í fyrirtækjaráðgjöf Glitnis á sínum tíma, gefið skýrslu hjá lögreglu og haft stöðu sakbornings. Einar, Halla og Kári séu grunuð um að hafa misnotað aðstöðu sína til að koma eignum út úr banka á undirverði, að hafa nýtt sameiginlega eignir Skeljungs og bankans til að greiða fyrir kaup í félaginu og að hafa viljandi rýrt eignir Íslandsbanka. Þá hafi þau, samkvæmt heimildum Kjarnans, gert með sér samkomulag þar sem Svanhildur Nanna og Guðmundur hafi afhent hinum þremur, sem seldu þeim Skeljung, yfir 800 milljónir króna hverju fyrir sig vegna aðkomu þeirra að málinu. Einar Örn er í dag einn stærsti hluthafinn í flugfélaginu Play og stór hluthafi í Stoðum, sem á stóra hluti í Símanum, Play, Arion banka og Kviku banka. Svanhildur Nanna er stór hluthafi í Kviku banka og situr í stjórn velgjörðarfélagsins 1881. Félagið fór í haust af stað með verkefnið Gefðu fimmu sem hefur það að markmiði að forstjórar og fyrirtæki skori á hvert annað að gera vel og hjálpa. Þá er 1881 bakhjarl nýrra viðskiptaverðlauna Innherja á Vísi sem veitt voru á Hótel Nordica í gær. Skrúfuðu niður stöðuna á kílómetramælum Procar-málið má rekja aftur til ársins 2019 þegar Kveikur greindi frá því að bílaleigan Procar skrúfaði niður kílómetrastöðuna í bílum áður en þær væru seldar á bílasölum. Fjölmörg dæmi voru þess efnis og greinilegt að margur hafði keypt bíl með falska kílómetrastöðu. „Þennan dómgreindar-og trúnaðarbrest er ekki hægt að afsaka en fyrirtækið hefur fullan vilja til að bæta hlut þeirra sem urðu sannarlega fyrir tjóni í þessum viðskiptum,“ sagði í yfirlýsingu frá Procar sem vildi fá óháðan aðila til að úrskurða um sanngjarnar bætur til viðskiptavina. Málið varð hins vegar að sakamáli sem verið hefur á borði héraðssaksóknara í á þriðja ár. Á árunum 2013-2015 seldi Procar um 659 notaða bíla en fram kom í tilkynningu frá fyrirtækinu að átt hefði verið við kílómetramæla í um 100-120 þeirra. Samgöngustofa sagði í framhaldinu að vel kæmi til greina að svipta bílaleigur rekstrarleyfi sem ekki gætu veitt fullnægjandi skýringar á misræmi upplýsinga um kílómetrastöðu bíla. Uppfært klukkan 21:10. Ranglega var fullyrt í myndatexta að Procar hefði orðið gjaldþrota. Beðist er velvirðingar á mistökunum. Skeljungsmálið Procar Efnahagsbrot Mest lesið Verðfall á Wall Street Viðskipti erlent Talaði gegn eigin ráðgjöfum um tollana Viðskipti erlent Leiðtogar ESB íhuga háa sekt á X og Musk Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Eldrauð Kauphöll: Bandaríkjamenn horfi fram á lakari lífskjör Viðskipti innlent Sættast við Fjármálaeftirlitið og greiða fimmtán milljóna sekt Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira
Kjarninn greindi fyrst frá. Ólafur Þór Hauksson héraðssaksóknari segir í samtali við fréttastofu að rannsókn Procars-málsins hafi lokið í síðustu viku og Skeljungsmálsins í þessari viku. Málunum hafi verið vísað til saksóknara sem tekur ákvörðun um hvort ákært verði í málinu. Má reikna með að nokkrar vikur líði þar til niðurstaða fæst. Kæra Íslandsbanka árið 2016 Fram kom í fréttum sumarið 2018 að Embætti héraðssaksóknara hefði til rannsóknar kaup hjónanna Guðmundar Arnar Þórðarsonar og Svanhildar Nönnu Vigfúsdóttur, ásamt öðrum fjárfestum, í Skeljungi árið 2008 og færeyska olíufélaginu P/F Magn árið 2009. Rannsóknin kom til vegna kæru sem Íslandsbanki lagði fram árið 2016 en hlutirnir í félögunum voru í eigu Glitnis þegar þeir voru seldir. Fimm voru handteknir og ráðist í húsleitir þar sem hald var lagt á gögn, skjöl og tölvur. Enginn var úrskurðaður í gæsluvarðhald vegna málsins og var þeim sem handteknir voru því sleppt að loknum skýrslutökum. Daginn eftir var tilkynnt að Svanhildur Nanna hefði látið af stjórnarformennsku hjá tryggingafélaginu VÍS. „Kaup okkar á hlutum í umræddum félögum bar að með eðlilegum hætti og við teljum einsýnt, að opinber rannsókn á viðskiptunum muni eyða öllum vafa um réttmæti þeirra,“ sagði Svanhildur Nanna í yfirlýsingu við það tilefni. Grunur á sölu á undirverði Salan á Skeljungi og P/F Magn var skoðuð hjá bankanum sjálfum eftir að Glitnir varð að Íslandsbanka þar sem grunur lék á að starfsmenn bankans hefðu hagnast óeðlilega mikið á sölum í hlutum í félögunum og að þau hefðu verið seld á undirverði. Fram kom í frétt Ríkisútvarpsins á sínum tíma að sú skoðun bankans hefði ekki leitt neitt grunsamlegt í ljós. Íslandsbanki hefði engu að síður tekið málið upp aftur árið 2016 og kært þrjá einstaklinga sem henni tengdust til lögreglu. Þar kemur jafnframt fram að sá sem hélt utan um söluna hjá Glitni hafi verið Einar Örn Ólafsson sem síðar var ráðinn forstjóri Skeljungs af þeim Svanhildi og Guðmundi. Unnu saman í ráðgjöf hjá Glitni Fram kemur í frétt Kjarnans að auk hjónanna og Einars Arnar hafi þau Halla Sigrún Hjartardóttir og Kári Guðjónsson, sem unnu saman í fyrirtækjaráðgjöf Glitnis á sínum tíma, gefið skýrslu hjá lögreglu og haft stöðu sakbornings. Einar, Halla og Kári séu grunuð um að hafa misnotað aðstöðu sína til að koma eignum út úr banka á undirverði, að hafa nýtt sameiginlega eignir Skeljungs og bankans til að greiða fyrir kaup í félaginu og að hafa viljandi rýrt eignir Íslandsbanka. Þá hafi þau, samkvæmt heimildum Kjarnans, gert með sér samkomulag þar sem Svanhildur Nanna og Guðmundur hafi afhent hinum þremur, sem seldu þeim Skeljung, yfir 800 milljónir króna hverju fyrir sig vegna aðkomu þeirra að málinu. Einar Örn er í dag einn stærsti hluthafinn í flugfélaginu Play og stór hluthafi í Stoðum, sem á stóra hluti í Símanum, Play, Arion banka og Kviku banka. Svanhildur Nanna er stór hluthafi í Kviku banka og situr í stjórn velgjörðarfélagsins 1881. Félagið fór í haust af stað með verkefnið Gefðu fimmu sem hefur það að markmiði að forstjórar og fyrirtæki skori á hvert annað að gera vel og hjálpa. Þá er 1881 bakhjarl nýrra viðskiptaverðlauna Innherja á Vísi sem veitt voru á Hótel Nordica í gær. Skrúfuðu niður stöðuna á kílómetramælum Procar-málið má rekja aftur til ársins 2019 þegar Kveikur greindi frá því að bílaleigan Procar skrúfaði niður kílómetrastöðuna í bílum áður en þær væru seldar á bílasölum. Fjölmörg dæmi voru þess efnis og greinilegt að margur hafði keypt bíl með falska kílómetrastöðu. „Þennan dómgreindar-og trúnaðarbrest er ekki hægt að afsaka en fyrirtækið hefur fullan vilja til að bæta hlut þeirra sem urðu sannarlega fyrir tjóni í þessum viðskiptum,“ sagði í yfirlýsingu frá Procar sem vildi fá óháðan aðila til að úrskurða um sanngjarnar bætur til viðskiptavina. Málið varð hins vegar að sakamáli sem verið hefur á borði héraðssaksóknara í á þriðja ár. Á árunum 2013-2015 seldi Procar um 659 notaða bíla en fram kom í tilkynningu frá fyrirtækinu að átt hefði verið við kílómetramæla í um 100-120 þeirra. Samgöngustofa sagði í framhaldinu að vel kæmi til greina að svipta bílaleigur rekstrarleyfi sem ekki gætu veitt fullnægjandi skýringar á misræmi upplýsinga um kílómetrastöðu bíla. Uppfært klukkan 21:10. Ranglega var fullyrt í myndatexta að Procar hefði orðið gjaldþrota. Beðist er velvirðingar á mistökunum.
Skeljungsmálið Procar Efnahagsbrot Mest lesið Verðfall á Wall Street Viðskipti erlent Talaði gegn eigin ráðgjöfum um tollana Viðskipti erlent Leiðtogar ESB íhuga háa sekt á X og Musk Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Eldrauð Kauphöll: Bandaríkjamenn horfi fram á lakari lífskjör Viðskipti innlent Sættast við Fjármálaeftirlitið og greiða fimmtán milljóna sekt Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira