Handbolti

Löwen og Melsun­gen á­fram í bikarnum

Runólfur Trausti Þórhallsson skrifar
Ýmir Örn Gíslason og félagar í Rhein-Neckar Löwen eru komnir í 8-liða úrslit þýska bikarsins.
Ýmir Örn Gíslason og félagar í Rhein-Neckar Löwen eru komnir í 8-liða úrslit þýska bikarsins. Löwen

Rhein-Neckar Löwen, Melsungen, Kiel og Minden eru komin í 8-liða úrslit þýska bikarsins í handbolta. Löwen og Melsungen slógu út Íslendingalið Stuttgart og Bergischer.

Löwen vann fimm marka sigur á Stuttgart í hörkuleik, lokatölur 35-30. Ýmir Örn Gíslason komst ekki á blað hjá Ljónunum á meðan Viggó Kristjánsson skoraði fimm mörk fyrir Stuttgart og Andri Már Rúnarsson eitt.

Elvar Örn Jónsson skoraði fimm mörk í öruggum sex marka sigri Melsungen á Bergischer, lokatölur 28-22. Arnar Freyr Arnarsson skoraði þrjú mörk fyrir Melsungen á meðan Alexander Petersson komst ekki á blað.

Arnar Þór Gunnarsson skoraði fimm marka Bergischer í leiknum.

Þá skoraði Janus Daði Smárason eitt mark og gaf tvær stoðsendingar þegar Göppingen tapaði fyrir Minden á útivelli, lokatölur 31-28.

Handbolti Þýski handboltinn

Mest lesið


Fleiri fréttir

Sjá meira


×

Mest lesið