Kynntu allar upplýsingar varðandi hlutafjárútboð Play

Tinni Sveinsson skrifar 22. júní 2021 10:17

Birgir Jónsson, forstjóri Play. Vísir/Vilhelm

Hlutafjárútboð Fly Play hf. fara fram í lok vikunnar. Play bauð til kynningarfundar í tengslum við útboðin í morgun þar sem farið var yfir helstu upplýsingar.

Útboðin munu standa yfir milli klukkan tíu á fimmtudaginn og klukkan 16 á föstudaginn. Fyrsti viðskiptadagur með hluti Fly Play hf. á Nasdaq First North Iceland er síðan áætlaður föstudaginn 9. júlí.

Arctica Finance er umsjónaraðili útboðanna og Arion banki söluaðili. Boðnir verða til sölu samtals 221.906.800 hlutir að nafnverði í formi nýrra hlutabréfa í Fly Play hf. Áætlað er að niðurstöður útboðanna verði tilkynntar á föstudaginn og niðurstöður úthlutunar á mánudaginn.

Hægt er að skoða kynningu Play hér fyrir neðan. Nánari upplýsingar er að finna á vef Play.