Körfubolti

Einvígi í stað brúðkaups

Hjörtur Leó Guðjónsson skrifar
Daníel Guðni Guðmundsson þarf að fresta brúðkaupi sínu í annað sinn.
Daníel Guðni Guðmundsson þarf að fresta brúðkaupi sínu í annað sinn. Vísir/Bára

Grindavík heimsækjir Stjörnuna í fyrsta leik liðanna í átta liða úrslitum Domino's deildar karla í kvöld. Daníel Guðni Guðmundsson, þjálfari Grindavíkur, ætlaði að gifta sig í dag, en það verður víst að bíða betri tíma.

Daníel greyndi frá því á Twitter í dag að þetta væri önnur tilraun hans og Lindu Óskar, tilvonandi eiginkonu hans, til að gifta sig.

KKÍ hafði þó önnur plön fyrir Daníel, en eins og áður segir er fyrsti leikur Grindvíkinga í úrlsitakeppni Domino's deildar karla í kvöld. Daníel og Linda þurfa því að bíða með stóra daginn eitthvað fram á sumar.

Grindavík hafnaði í sjötta sæti deildarinnar, en andstæðingar þeirra í Stjörnunni í því þriðja. Leikurinn er í beinni á Stöð 2 Sport klukkan 18:05.

Dominos-deild karla UMF Grindavík Stjarnan

Mest lesið


Fleiri fréttir

Sjá meira


×

Mest lesið