Ingvar Jónsson, markvörður Víkings, mun að öllum líkindum missa af fyrstu leikjum Pepsi Max deildarinnar vegna meiðsla sem hann hlaut í leik Víkings gegn Keflavík í 8-liða úrslitum Lengjubikarsins í gærkvöldi.
Ingvar varði fyrstu vítaspyrnu Keflvíkinga í vítaspyrnukeppni en þurfti í kjölfarið að fara meiddur af velli.
Samkvæmt heimildum Fótbolta.net er Ingvar viðbeinsbrotinn.
Keppni í Pepsi Max deildinni hefst eftir rúman mánuð eða þann 22.apríl næstkomandi. Víkingar hefja leik einum degi síðar, þann 23.apríl og einmitt gegn nýliðum Keflvíkinga.
Þrír leikir fóru fram í A-deild Lengjubikars karla og kvenna í kvöld en leikið var í Víkinni, í Laugardalnum og í Garðabæ.
