Daníel og Erika sigurvegarar í Rallý Reykjavík Bragi Þórðarson skrifar 6. september 2020 23:15 Daníel keypti bílinn af Ragnari Bjarna Gröndal, sem varð Íslandsmeistari á honum árið 2018. Vísir/Bergur Bergsson Lengsta rallkeppni ársins kláraðist á laugardag eftir þriggja daga keppni. Alls þurftu áhafnir að aka tæpa þúsund kílómetra, þar af 342 á sérleiðum. Þar fór það svo að Daníel Sigurðarson og Erika Eva Arnarsdóttir enduðu sem sigurvegarar. Keppnin byrjaði seinni part fimmtudags er eknar voru tvær ferðir um Djúpavatnssérleiðina. Þar voru hraðastir Íslandsmeistararnir frá því í fyrra, Baldur Arnar Hlöðversson og Heimir Snær Jónsson. Þeir misstu þá alla möguleika á að verja titil sinn þegar að gírkassinn í Subaru Impreza bíl þeirra gaf sig í hádegi annars keppnisdags. Baldur og Heimir voru hraðastir í bleytunni á Djúpavatni á fimmtudaginn. Daníel og Erika hröð á hvaða bíl sem er Föstudagurinn var lengsti dagur keppninnar er eknar voru sérleiðir í grennd við Heklu. Þar voru það Daníel Sigurðarson og Erika Eva Arnarsdóttir sem keyrðu hraðast á sínum Mitsubishi Lancer Evo VI. Daníel festi kaup á bílnum aðeins viku fyrir keppni eftir að ekki náðist að gera við vélarbilun sem kom upp í Skoda Fabia S2000 rallýbíl hans í síðustu keppni. Orðrómar voru á lofti um að árangur Daníels og Eriku í síðustu mótum mætti rekja til þess að Skodinn væri mun hraðari en Mitsubishi og Subaru bílarnir. Óhætt er að segja að Daníel og Erika þögguðu niður í þeim röddum á föstudaginn. Baldur og Heimir voru hraðastir í bleytunni á Djúpavatni á fimmtudaginn.Vísir/Bergur Bergsson Gunnar Karl og Ísak héldu pressu á Daníel og Eriku Gunnar Karl Jóhannesson og Ísak Guðjónsson á Mitsubishi Lancer Evo X keyrðu greitt á föstudaginn en gátu ekki hangið í Daníel og Eriku, þá sérstaklega á sérleiðinni um Heklu. ,,Ég þoli ekki að tapa, að lenda í öðru sæti er það leiðinlegasta sem ég get hugsað mér’’ sagði Gunnar Karl í hádegishléinu á föstudag og lofaði að gefa ekkert eftir. Fyrir lokadag rallsins höfðu Daníel og Erika rúmlega mínútu í forskot. Það reyndist of stór biti fyrir Gunnar Karl og Ísak sem urðu að sætta sig við annað sætið. Þeir gáfust þó ekki upp fyrr en í fulla hnefana og náðu besta tíma á síðustu sérleiðinni, þrátt fyrir að koma í mark á sprungnu dekki. Gunnar Karl og Ísak aka tíundu útgáfunni af Mitsubishi Lancer EvoVísir/Bergur Bergsson Gunnar Karl og Ísak aka tíundu útgáfunni af Mitsubishi Lancer Evo ,,Þetta er toppurinn’’ Daníel og Erika stóðu uppi sem sigurvegarar í Rallý Reykjavík árið 2020. ,,Það þarf svo margt að ganga upp í svona maraþon ralli, þú þarft bæði góðan aðstoðarökumann og gott lið’’ sagði Daníel í endamarki eftir tæplega þúsund kílómetra akstur. ,,Þetta er toppurinn!’’ Þetta var fimmti sigur Daníels Sigurðarsonar í Rallý Reykjavík og er hann því næst sigursælasti ökuþór í 41 árs sögu keppninnar, einum sigri á eftir Sigurði Braga Guðmundssyni. Annað sætið, og þrjú aukastigin sem fást fyrir hraðasta tímann á svokallaðri ofurleið, þíða að Gunna Karl og Ísak eru nú með 16,5 stiga forskot á toppi Íslandsmótsins. Aðeins ein keppni er eftir af tímabilinu og nægir þeim að enda í sjöunda sæti í haustrallinu. Halldór Vilberg og Valgarður Thomas færðu sig upp um flokk fyrir þetta tímabilVísir/Bergur Bergsson Mikill slagur um öll sæti Í þriðja sætinu, annað árið í röð, urðu Halldór Vilberg Ómarsson og Valgarður Thomas Davíðsson á Subaru Impreza. Þeir félagar mættu á nýjum 6 strokka Subaru í vor til þess að fara berjast á toppnum. En slagurinn er það harður í rallinu í ár að þrátt fyrir að hraðaaukningin hefur verið mikil hjá Halldóri og Valgarði urðu þeir að sætta sig við þriðja sætið eins og í fyrra. Í byrjun þriðja keppnisdags var mikill slagur um fjórða sætið milli Baldurs Haraldssonar og Katrínar Maríu Andrésdóttur annars vegar og Fylkis Jónssonar og Heiðu Fylkisdóttur hinsvegar. Á sérleið um Kaldadal lentu Baldur og Katrín í því að aka útaf og festast ofan á grjóti. Við það töpuðu þau 11 mínútum og enduðu rallið í sjötta sæti. Feðginin Fylkir og Heiða Karen náðu fjórða sætinu þrátt fyrir að aka nánast alla síðustu sérleiðina á sprungnu dekki. Í fimmta sæti voru Skafti Skúlason og Sigurjón Þór Þrastarson. Ívar Örn og Guðni luku keppni með fimm mínútur í forskot á næsta bíl í AB Varahluta flokknum.Vísir/Bergur Bergsson Ívar Örn og Guðni luku keppni með fimm mínútur í forskot á næsta bíl í AB Varahluta flokknum. Ívar orðinn Íslandsmeistari Sigurvegarar í AB Varahlutaflokki urðu Ívar Örn Smárason og Guðni Freyr Ómarsson og tryggði Ívar sér einnig Íslandsmeistaratitilinn í flokknum. ,,Þetta er alveg frábært eftir öll þessi ár sem maður hefur verið í kringum þetta, að loksins geta kallað sig Íslandsmeistara’’ sagði Ívar sem hafði nóg að fagna, enda átti hann afmæli daginn sem rallið kláraðist. Titillinn er sá 29. fyrir Subaru í íslensku ralli sem gerir bílaframleiðandann þann sigursælasta í 45 ára sögu ralls á Íslandi. Í öðru sæti í flokknum og jafnframt síðasta sæti yfir heildina urðu Kristján Pálsson og Samúel Þór Seastrand. Síðasta umferð Íslandsmótsins í ralli fer fram um næstu mánaðarmót. Íþróttir Akstursíþróttir Mest lesið Sló golfhögg með krókódíl rétt fyrir aftan sig Golf „Mér finnst hún skipta sér af málum sem koma henni ekki við“ Fótbolti LeBron boðar aðra Ákvörðun Körfubolti „Skil ekki hvernig má kýla einhvern í andlitið?“ Íslenski boltinn Bjargaði lífi mótherja í miðjum leik Fótbolti Metár hjá David Beckham Fótbolti Rooney gagnrýnir Mo Salah og vill færa hann til á vellinum Enski boltinn Hafa fengið áttatíu prósent stiga í boði með Gunnar í byrjunarliðinu Íslenski boltinn Sjáðu svakalega vítakeppni þegar frændliðin börðust í bikarnum Handbolti Er eitthvað óeðlilegt að búið sé að gagnrýna þetta Valslið? Íslenski boltinn Fleiri fréttir Íslenski heimsmeistarinn í skotfimi er löngu hættur að veiða Sekúndubrot á milli Tomma og Nablans í fyrstu grein Ólympíuleika Extra Sjáðu svakalega vítakeppni þegar frændliðin börðust í bikarnum Er eitthvað óeðlilegt að búið sé að gagnrýna þetta Valslið? Sló golfhögg með krókódíl rétt fyrir aftan sig Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ LeBron boðar aðra Ákvörðun Bjargaði lífi mótherja í miðjum leik Dagskráin í dag: Stórleikur að Hlíðarenda „Skil ekki hvernig má kýla einhvern í andlitið?“ Uppgjörið: Valur - Tindastóll 85-87 | Basile með sigurkörfu Hafa fengið áttatíu prósent stiga í boði með Gunnar í byrjunarliðinu Aron Rafn hetja Hauka gegn Val og Fjölnir henti Stjörnunni úr leik „Þeir skutu úr einhverjum fjörutíu vítum“ Uppgjörið: Valur - Stjarnan 1-3 | Stjarnan lyftir sér upp í fjórða Bikarmeistararnir sluppu með skrekkinn Fótboltaiðkendur með fatlanir kíktu á landsliðsæfingu Unnu síðustu átján mínúturnar með tíu mörkum Elvar stigahæstur í fyrsta deildarleiknum með nýja liðinu Niðurbrotin Eygló keppir ekki á HM Guðmundur Flóki sótti þriðju gullverðlaunin í röð UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Stólarnir komust ekki heim og æfa í Grindavík fyrir stórleikinn Bikarmeistarar Vals byrja á móti B-liði KR Sjá meira
Lengsta rallkeppni ársins kláraðist á laugardag eftir þriggja daga keppni. Alls þurftu áhafnir að aka tæpa þúsund kílómetra, þar af 342 á sérleiðum. Þar fór það svo að Daníel Sigurðarson og Erika Eva Arnarsdóttir enduðu sem sigurvegarar. Keppnin byrjaði seinni part fimmtudags er eknar voru tvær ferðir um Djúpavatnssérleiðina. Þar voru hraðastir Íslandsmeistararnir frá því í fyrra, Baldur Arnar Hlöðversson og Heimir Snær Jónsson. Þeir misstu þá alla möguleika á að verja titil sinn þegar að gírkassinn í Subaru Impreza bíl þeirra gaf sig í hádegi annars keppnisdags. Baldur og Heimir voru hraðastir í bleytunni á Djúpavatni á fimmtudaginn. Daníel og Erika hröð á hvaða bíl sem er Föstudagurinn var lengsti dagur keppninnar er eknar voru sérleiðir í grennd við Heklu. Þar voru það Daníel Sigurðarson og Erika Eva Arnarsdóttir sem keyrðu hraðast á sínum Mitsubishi Lancer Evo VI. Daníel festi kaup á bílnum aðeins viku fyrir keppni eftir að ekki náðist að gera við vélarbilun sem kom upp í Skoda Fabia S2000 rallýbíl hans í síðustu keppni. Orðrómar voru á lofti um að árangur Daníels og Eriku í síðustu mótum mætti rekja til þess að Skodinn væri mun hraðari en Mitsubishi og Subaru bílarnir. Óhætt er að segja að Daníel og Erika þögguðu niður í þeim röddum á föstudaginn. Baldur og Heimir voru hraðastir í bleytunni á Djúpavatni á fimmtudaginn.Vísir/Bergur Bergsson Gunnar Karl og Ísak héldu pressu á Daníel og Eriku Gunnar Karl Jóhannesson og Ísak Guðjónsson á Mitsubishi Lancer Evo X keyrðu greitt á föstudaginn en gátu ekki hangið í Daníel og Eriku, þá sérstaklega á sérleiðinni um Heklu. ,,Ég þoli ekki að tapa, að lenda í öðru sæti er það leiðinlegasta sem ég get hugsað mér’’ sagði Gunnar Karl í hádegishléinu á föstudag og lofaði að gefa ekkert eftir. Fyrir lokadag rallsins höfðu Daníel og Erika rúmlega mínútu í forskot. Það reyndist of stór biti fyrir Gunnar Karl og Ísak sem urðu að sætta sig við annað sætið. Þeir gáfust þó ekki upp fyrr en í fulla hnefana og náðu besta tíma á síðustu sérleiðinni, þrátt fyrir að koma í mark á sprungnu dekki. Gunnar Karl og Ísak aka tíundu útgáfunni af Mitsubishi Lancer EvoVísir/Bergur Bergsson Gunnar Karl og Ísak aka tíundu útgáfunni af Mitsubishi Lancer Evo ,,Þetta er toppurinn’’ Daníel og Erika stóðu uppi sem sigurvegarar í Rallý Reykjavík árið 2020. ,,Það þarf svo margt að ganga upp í svona maraþon ralli, þú þarft bæði góðan aðstoðarökumann og gott lið’’ sagði Daníel í endamarki eftir tæplega þúsund kílómetra akstur. ,,Þetta er toppurinn!’’ Þetta var fimmti sigur Daníels Sigurðarsonar í Rallý Reykjavík og er hann því næst sigursælasti ökuþór í 41 árs sögu keppninnar, einum sigri á eftir Sigurði Braga Guðmundssyni. Annað sætið, og þrjú aukastigin sem fást fyrir hraðasta tímann á svokallaðri ofurleið, þíða að Gunna Karl og Ísak eru nú með 16,5 stiga forskot á toppi Íslandsmótsins. Aðeins ein keppni er eftir af tímabilinu og nægir þeim að enda í sjöunda sæti í haustrallinu. Halldór Vilberg og Valgarður Thomas færðu sig upp um flokk fyrir þetta tímabilVísir/Bergur Bergsson Mikill slagur um öll sæti Í þriðja sætinu, annað árið í röð, urðu Halldór Vilberg Ómarsson og Valgarður Thomas Davíðsson á Subaru Impreza. Þeir félagar mættu á nýjum 6 strokka Subaru í vor til þess að fara berjast á toppnum. En slagurinn er það harður í rallinu í ár að þrátt fyrir að hraðaaukningin hefur verið mikil hjá Halldóri og Valgarði urðu þeir að sætta sig við þriðja sætið eins og í fyrra. Í byrjun þriðja keppnisdags var mikill slagur um fjórða sætið milli Baldurs Haraldssonar og Katrínar Maríu Andrésdóttur annars vegar og Fylkis Jónssonar og Heiðu Fylkisdóttur hinsvegar. Á sérleið um Kaldadal lentu Baldur og Katrín í því að aka útaf og festast ofan á grjóti. Við það töpuðu þau 11 mínútum og enduðu rallið í sjötta sæti. Feðginin Fylkir og Heiða Karen náðu fjórða sætinu þrátt fyrir að aka nánast alla síðustu sérleiðina á sprungnu dekki. Í fimmta sæti voru Skafti Skúlason og Sigurjón Þór Þrastarson. Ívar Örn og Guðni luku keppni með fimm mínútur í forskot á næsta bíl í AB Varahluta flokknum.Vísir/Bergur Bergsson Ívar Örn og Guðni luku keppni með fimm mínútur í forskot á næsta bíl í AB Varahluta flokknum. Ívar orðinn Íslandsmeistari Sigurvegarar í AB Varahlutaflokki urðu Ívar Örn Smárason og Guðni Freyr Ómarsson og tryggði Ívar sér einnig Íslandsmeistaratitilinn í flokknum. ,,Þetta er alveg frábært eftir öll þessi ár sem maður hefur verið í kringum þetta, að loksins geta kallað sig Íslandsmeistara’’ sagði Ívar sem hafði nóg að fagna, enda átti hann afmæli daginn sem rallið kláraðist. Titillinn er sá 29. fyrir Subaru í íslensku ralli sem gerir bílaframleiðandann þann sigursælasta í 45 ára sögu ralls á Íslandi. Í öðru sæti í flokknum og jafnframt síðasta sæti yfir heildina urðu Kristján Pálsson og Samúel Þór Seastrand. Síðasta umferð Íslandsmótsins í ralli fer fram um næstu mánaðarmót.
Íþróttir Akstursíþróttir Mest lesið Sló golfhögg með krókódíl rétt fyrir aftan sig Golf „Mér finnst hún skipta sér af málum sem koma henni ekki við“ Fótbolti LeBron boðar aðra Ákvörðun Körfubolti „Skil ekki hvernig má kýla einhvern í andlitið?“ Íslenski boltinn Bjargaði lífi mótherja í miðjum leik Fótbolti Metár hjá David Beckham Fótbolti Rooney gagnrýnir Mo Salah og vill færa hann til á vellinum Enski boltinn Hafa fengið áttatíu prósent stiga í boði með Gunnar í byrjunarliðinu Íslenski boltinn Sjáðu svakalega vítakeppni þegar frændliðin börðust í bikarnum Handbolti Er eitthvað óeðlilegt að búið sé að gagnrýna þetta Valslið? Íslenski boltinn Fleiri fréttir Íslenski heimsmeistarinn í skotfimi er löngu hættur að veiða Sekúndubrot á milli Tomma og Nablans í fyrstu grein Ólympíuleika Extra Sjáðu svakalega vítakeppni þegar frændliðin börðust í bikarnum Er eitthvað óeðlilegt að búið sé að gagnrýna þetta Valslið? Sló golfhögg með krókódíl rétt fyrir aftan sig Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ LeBron boðar aðra Ákvörðun Bjargaði lífi mótherja í miðjum leik Dagskráin í dag: Stórleikur að Hlíðarenda „Skil ekki hvernig má kýla einhvern í andlitið?“ Uppgjörið: Valur - Tindastóll 85-87 | Basile með sigurkörfu Hafa fengið áttatíu prósent stiga í boði með Gunnar í byrjunarliðinu Aron Rafn hetja Hauka gegn Val og Fjölnir henti Stjörnunni úr leik „Þeir skutu úr einhverjum fjörutíu vítum“ Uppgjörið: Valur - Stjarnan 1-3 | Stjarnan lyftir sér upp í fjórða Bikarmeistararnir sluppu með skrekkinn Fótboltaiðkendur með fatlanir kíktu á landsliðsæfingu Unnu síðustu átján mínúturnar með tíu mörkum Elvar stigahæstur í fyrsta deildarleiknum með nýja liðinu Niðurbrotin Eygló keppir ekki á HM Guðmundur Flóki sótti þriðju gullverðlaunin í röð UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Stólarnir komust ekki heim og æfa í Grindavík fyrir stórleikinn Bikarmeistarar Vals byrja á móti B-liði KR Sjá meira