Tíu mánaða fangelsi fyrir innflutning á 450 grömmum af kókaíni innvortis

Ítölsk kona og karlmaður frá Portúgal voru dæmd í átta mánaða fangelsi annars vegar og tíu mánaða fangelsi hins vegar í Héraðsdómi Reykjaness í gær fyrir innflutning á kókaíni. Voru þau handtekinn eftir komu til landsins á Keflavíkurflugvelli þann 30. nóvember síðastliðinn með flugi frá Madríd á Spáni.

Konan var tekin með tæp 350 grömm af kókaíni af rúmlega 50 prósent styrkleika í níu hylkjum innvortis. Karlmaðurinn var með tæp 500 grömm í 49 hylkjum innvortis.

Þau játuðu bæði brot sín en dómari mat augljóst að hvorugt þeirra hefði verið eigandi efnanna eða tekið þátt í skipulagningu á kaupum og innflutningi að öðru leyti en að samþykkja að flytja þau til landsins.

Á hinn bóginn sé ekki hægt að horfa fram hjá því að um töluvert magn af kókaíni var að ræða sem ætlað var til söludreifingar hér á landi.

Var karlmaðurinn dæmdur í tíu mánaða fangelsi og konan í átta mánaða fangelsi. Frá refsingunni dregst gæsluvarðhald frá 1. desember.