Kvöldfréttir Stöðvar 2

Rúmlega 80 prósent fyrirtækja sem nýttu sér hlutabótaleiðina skráðu færri en 5 starfsmenn í úrræðið. Verkefnastjóri Litla Íslands segir tölurnar ekki koma sér á óvart. Lítil fyrirtæki séu hryggjarstykkið í íslensku atvinnulífi. Fjallað verður um málið í kvöldfréttum Stöðvar 2.

Einnig verður sagt frá því að fjölgað hafi í hópi þeirra sem leita lögfræðiráðgjafar hjá Kvennaráðgjöfinni og Bjarkarhlíð. Lögfræðingur segir teikn á lofti um að skilnuðum sé að fjölga og mál séu farin að þyngjast.

Í fréttatímanum fjöllum við einnig um heilsukvíða en fyrir einhverja er erfitt að stíga skrefið aftur út í samfélagið þegar allt virðist vera að fara aftur í gang, einhverjum leið betur þegar takmarkanir voru sem mestar, að sögn sálfræðings.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30