Innlent

Hinn grunaði áfram í fjögurra vikna gæsluvarðhaldi

Kolbeinn Tumi Daðason skrifar
Maðurinn var með glóðurauga og skurð við vinstra auga þegar hann var leiddur fyrir dómara í síðustu viku.
Maðurinn var með glóðurauga og skurð við vinstra auga þegar hann var leiddur fyrir dómara í síðustu viku. Vísir/Vilhelm

Karlmaður um fimmtugt, sem grunaður er um aðkomu að andláti manns sem féll fram af svölum við Skyggnisbraut í Grafarholti þann 8. desember, var í dag úrskurðaður í áframhaldandi gæsluvarðhald. Þetta kemur fram í tilkynningu frá lögreglunni á höfuðborgarsvæðinu.

Maðurinn hefur setið í gæsluvarðhaldi í tíu daga á grundvelli rannsóknarhagsmuna og féllst Héraðsdómur Reykjavíkur í dag á kröfu lögreglunnar um áframhaldandi gæslu.

Karlmaðurinn sem lést var á sextugsaldri. Upphaflega voru fimm handteknir í rannsókn lögreglu á málinu en aðeins farið fram á gæsluvarðhald yfir einum.

Lögreglumál Reykjavík Andlát í Úlfarsárdal

Tengdar fréttir

Kærir gæslu­varð­halds­úr­skurð vegna and­látsins í Úlf­árs­ár­dal

Maðurinn sem er grunaður um að hafa átt þátt í dauðsfalli manns í Úlfársárdal síðasta sunnudag hefur kært gæsluvarðhaldsúrskurð yfir sér til Landsréttar. Farið var fram á gæsluvarðhald yfir honum á mánudag eftir að maður á sextugsaldri lést af sárum sínum þegar hann féll af svölum fjölbýlishúss

Íbúar í Úlfarsárdal harmi slegnir vegna andlátsins

Karlmaður um fimmtugt var í dag úrskurðaður í gæsluvarðhald grunaður um að eiga aðild að andláti manns sem féll fram af svölum fjölbýlishúss í Úlfarsárdal í gær. Fjórum öðrum, sem handteknir voru í tengslum við málið, hefur verið sleppt.

Mest lesið


Fleiri fréttir

Sjá meira


×

Mest lesið