Ráku þjálfarann eftir fyrsta leik tímabilsins

Snæfell er búið að reka þjálfarann Vladimar Ivankovic úr starfi sínu sem þjálfari karlaliðs félagsins í körfubolta.

Snæfell greinir frá þessu á vef sínum í morgun en ákvörðunin var tekin á fundi stjórnar körfuknattleiksdeildar Snæfells í gær.

Ivankovic hefur stýrt liðinu frá því haustið 2018.

Það byrjaði ekki vel hjá Snæfell á leiktíðinni því liðið steinlá fyrir Vestra á heimavelli á föstudaginn, 114-64. Því ákvað stjórnin að gera breytingar.

Baldur Þorleifsson og Jón Þór Eyþórsson munu taka tímabundið við liðinu en næsti leikur Snæfell er gegn Selfoss á föstudagskvöldið.