Ursula von der Leyen, varnarmálaráðherra Þýskalands, var kjörin forseti framkvæmdarstjórnar Evrópusambandsins. Hún verður þar með fyrsta konan til þess að verða forseti framkvæmdarstjórnarinnnar og mun taka við embættinu þann 1. nóvember næstkomandi af Jean-Claude Juncker.
Von der Leyen var kjörin með 383 atkvæðum gegn 327 og mátti því litlu muna, en hún þurfti 374 atkvæði til þess að ná kjöri.
Hin sextuga von der Leyen hefur átt sæti í öllum ríkisstjórnum Angelu Merkel þau þrettán ár sem hún hefur verið við völd og hefur lengi verið áberandi innan Kristilega Demókrataflokksins. Hún hefur lengi talað fyrir aukinni Evrópusamvinnu og sagði í viðtali við Der Spiegel árið 2011 að hún vildi sjá Evrópusambandsríkin verða líkari sambandsríkjum.
„Þetta er mikil ábyrgð og mín vinna hefst núna,“ sagði von der Leyen eftir að ljóst varð að hún myndi taka við stöðu forseta framkvæmdastjórnarinnar.
Von der Leyen nýr forseti framkvæmdastjórnar ESB
Tengdar fréttir
Hefur talað fyrir aukinni hernaðarsamvinnu og sambandsríkinu ESB
Ursula von der Leyen situr nú sem varnarmálaráðherra Þýskalands og var lengi talin vera mögulegur arftaki Merkel.
Nýir toppar ESB ósammála um Brexit
Á meðal nýrra æðstu embættismanna Evrópusambandsins er ágreiningur um hvernig eigi að nálgast úrsögn Bretlands úr Evrópusambandinu.
Fyrsta konan til að vera tilnefnd sem forseti framkvæmdastjórnar ESB
Samþykki Evrópuþingið tilnefninguna verður von der Leyen fyrsta konan til þess að gegna embættinu.
