Körfubolti

Boston Celtics í forystu í kapphlaupinu um Kemba Walker

Óskar Ófeigur Jónsson skrifar
Kemba Walker er mjög öflugur leikmaður.
Kemba Walker er mjög öflugur leikmaður. Getty/Patrick Smith
Boston Celtics missir Kyrie Irving í sumar en gæti verið búið að finna öflugan bakvörð í staðinn fyrir hann.

Adrian Wojnarowski á ESPN hefur heimildir fyrir því að Boston Celtics sé komið í forystu í kapphlaupinu um Kemba Walker.

Kemba Walker hefur leikið allan sinn NBA-feril með Charlotte Hornets (áður Bobcats) en er nú með lausann samning.





Kemba Walker lék alla 82 leiki Charlotte Hornets á síðasta tímabili og var með 25,6 stig og 5,9 stoðsendingar að meðaltali í þeim.

Hann hefur aldrei skorað meira í leik á einu tímabili en var með 22,1 stig að meðaltali tímabilið á undan.

Kemba Walker hefur aftur á móti aðeins spilað samtals ellefu leiki í úrslitakeppni á átta tímabilum sínum með Charlotte Hornets. Liðið var síðast í úrslitakeppninni vorið 2016.

Hér fyrir neðan má síðan sjá hvernig Boston Celtics fer að því að semja við Kemba Walker.







NBA

Mest lesið


Fleiri fréttir

Sjá meira


×

Mest lesið