Sérsveitin réðst inn á heimili í Vesturbæ vegna slagsmála

Lögreglan á höfuðborgarsvæðinu fékk útkall á fjórða tímanum í dag vegna slagsmála inni á heimili við Víðimel í Vesturbæ Reykjavíkur. Mbl.is greindi fyrst frá þessu.

Í samtali við Vísi segir Jóhann Karl Þórisson, aðstoðaryfirlögregluþjónn, að um væri að ræða samkomu sem hefði farið úr böndunum þegar slagsmál brutust út á milli tveggja manna.

Sérsveit lögreglunnar var kölluð út til að leiða mennina úr húsinu en þeir veittu talsverða mótspyrnu við handtöku og slógust við lögreglumenn.

Lögregla hefur nú handtekið mennina.

Fréttin hefur verið uppfærð.