Fótbolti

Bayern vann tvennuna eftir bikarsigur á Leipzig

Anton Ingi Leifsson skrifar
Bæjarar fagna titlinum í kvöld.
Bæjarar fagna titlinum í kvöld. vísir/getty
Bayern München er tvöfaldur meistari í Þýskalandi eftir að liðið vann 3-0 sigur á RB Leipzig í úrslitaleik þýska bikarsins fyrr í dag.

Sigurinn kom viku eftir að Bayern varð þýskur meistari en lengi vel var liðið vel á eftir Dortmund. Titilinn fór þá að endingu til Bæjaralands, eins og undanfarin ár.

Robert Lewandowski kom Bayern yfir á 29. mínútu og þannig stóðu leikar allt þangað til á 78. mínútu er Kingsley Coman tvöfaldaði forystuna.







Pólverjinn magnaði, Robert Lewandowski, skoraði svo annað mark sitt og þriðja mark Bayern fimm mínútum fyrir leikslok og 3-0 sigur Bayern lokatölur.

Því enn einn bikarinn í húsi hjá Bayern en þeir bættu upp fyrir bikartapið í fyrra er þeir töpuðu úrslitaleiknum gegn Eintraht Frankfurt.







Fótbolti Þýskaland

Mest lesið


Fleiri fréttir

Sjá meira


×

Mest lesið