Chicago ætlar sér að fá Zion

Nýliðarnir Wendall Carter og Chandler Hutchinson leika ekki meira með Chicago Bulls á tímabilinu vegna meiðsla.

Þá eru meiri líkur en minni á því að Otto Porter, sem kom frá Washington Wizards í síðasta mánuði, verði einnig hvíldur það sem eftir lifir tímabils. Það sama gæti verið gert við Zach LaVine, stigahæsta leikmann Bulls í vetur.

Chicago er með fjórða versta árangur allra liða í NBA-deildinni og með því að hvíla lykilmenn á lokaspretti deildarkeppninnar aukast líkur liðsins á að fá góðan valrétt í nýliðavalinu.

Zion Williamson, leikmaður Duke háskólans, er sá sem öll liðin í NBA vilja fá og baráttan um hann er hörð.

Williamson og félagar hans í Duke mæta UFC Knights í 32-liða úrslitum úrslitakeppni háskólaboltans í kvöld.

Aðeins New York Knicks (14), Phoenix Suns (17) og Cleveland Cavaliers (19) hafa unnið færri leiki en Chicago í NBA-deildinni í vetur. Bulls á átta leiki eftir á tímabilinu.