Andri Ólafsson ráðinn aðstoðarmaður og upplýsingafulltrúi rektors

Andri Ólafsson hefur verið ráðinn aðstoðarmaður og upplýsingafulltrúi rektors Háskóla Íslands. Andri hefur störf 1. apríl næstkomandi.

Í tilkynningu frá HÍ segir að Andri muni sinna margvíslegum verkefnum fyrir rektor, meðal annars halda utan um tengsl við fjölmiðla og ýmsa hagsmunaaðila. Hann muni jafnframt vinna náið með stjórnendum Háskólans að mótun samskipta innan skólans og utan.

Andri kemur til Háskóla Íslands frá VÍS, þar sem hann gegndi starfi samskiptastjóra. Hann er með MBA gráðu frá Háskóla Íslands og hefur áralanga reynslu af störfum við fjölmiðla, meðal annars sem aðstoðarritstjóri 365 miðla, ritstjóri Íslands í dag og fréttastjóri Fréttablaðsins.