Kobe sagðist vera betri en Jordan og LeBron

Spjallþáttastjórnandinn James Corden kom körfuboltagoðsögninni Kobe Bryant í erfiða stöðu í þætti sínum í vikunni.

Í þættinum spurði Corden gesti sína að erfiðum spurningum. Þeir gátu valið um að svara eða borða einhvern viðbjóðslegan mat.

Kobe had to choose between ranking himself, MJ and Bron from best to worst or eat cow tongue

(via @latelateshow) pic.twitter.com/BXDWnduSO1

— Bleacher Report (@BleacherReport) March 27, 2019

Í tilviki Kobe þurfti hann að svara hver væri bestur. Hann, Michael Jordan eða LeBron James. Ef hann neitaði að svara þurfti hann að éta kýrstungu.

Kobe íhugaði að éta tunguna í smá tíma en sagði svo að hann væri bestur, Jordan næstbestur og LeBron kæmi þar á eftir.