Versta tap Golden State undir stjórn Steve Kerr á heimavelli | Myndbönd

Boston Celtics, sem hefur verið í lægð eftir stjörnuleiksfríið, reif sig heldur betur í gang í NBA-deildinni í körfubolta í nótt þegar að liðið gjörsamlega valtaði yfir meistara Golden State Warriors, 128-95.

Þetta er stærsta tap Golden State undir stjórn Steve Kerr á heimavelli en liðið hefur farið með himinnskautum allt frá því hann tók við og unnið NBA-deildina þrisvar sinnum á síðustu fjórum árum.

Gordon Hayward fór á kostum í leiknum en hann skoraði 30 stig af bekknum. Kyrie Irving skoraði 19 stig og tók ellefu fráköst fyrir Boston en í liðið Golden State var Stephen Curry stigahæstur með 23 stig.

Golden State er sem fyrr á toppnum í vestrinu með 44 sigra og 20 töp en Boston er áfram í fimmta sæti vesturdeildarinnar með 39 stigra og 26 tapleiki.

Houston Rockets vann sjötta leikinn í röð í nótt þegar að liðið lagði Toronto Raptors í Kanada, 107-95, en sigurinn hefði getað verið miklu stærri.

Houston var með mikið forskot nánast allan leikinn en Toronto átti fín áhlaup í fjórða leikhluta. Það var bara ekki nóg fyrir gestina sem eru áfram í öðru sætinu í austurdeildinni.

James Harden skoraði 35 stig og þar af 18 stig í fjórða leikhlutanum en hann hitti úr þremur af níu vítaskotum sínum og öllum átta vítaskotunum.

Stóri maðurinn Karl-Anthony Towns átti svo allan heiðurinn af því að Minnesota Timberwolves rauf taphrinu sína með ellefu stiga sigri á Russell Westbrook og félögum í Oklahoma City Thunder.

KAT skoraði 41 stig og tók fjórtán fráköst fyrir heimamenn sem unnu góðan sigur þrátt fyrir að Paul George sneri aftur í lið OKC eftir meiðsli.

Russell Westbrook skoraði 38 stig og tók þrettán fráköst fyrir Thunder en Paul George skoraði 25 stig.

Úrslit næturinnar:

Indiana Pacers - Chicago Bulls 105-96

Philadelphia 76ers - Orlando Magic 114-106

Toronto Raptors - Houston Rockets 95-107

Memphis Grizzlies - Portland Trail Blazers 120-111

Minnesota Timberwolves - OKC Thunder 95-128

Golden State Warriors - Boston Celtics 95-128