Embiid: Dómararnir eru fokkin ömurlegir

Joel Embiid, stjarna NBA-liðsins Philadelphia 76ers, var allt annað en ánægður með dómarana í leik síns liðs gegn Boston Celtics.

Celtics vann leikinn, 112-109, og hundfúll Embiid þurfti að mæta á blaðamannafund eftir leikinn. Rétt áður en hann kláraði fundinn þurfti hann að koma einu mikilvægu á framfæri.

Joel Embiid sure knows how to end a post-game presser  pic.twitter.com/k7o3Evq2Ea

— ESPN (@espn) February 13, 2019

„Dómararnir eru fokkin ömurlegir,“ sagði Embiid og stóð upp og strunsaði út úr herberginu.

Hann fékk dæmdar á sig fimm villur í leiknum og fannst vera brotið á sér á lokamínútunni er allt var undir. Ekkert var þó dæmt.

Embiid má búast við einhverri sekt fyrir þessi ummæli.