„Frikki Meló“ segir skilið við Melabúðina

Friðrik Ármann Guðmundsson kaupmaður, eða „Frikki Meló“ eins og hann er gjarnan kallaður, hefur ákveðið að breyta um starfsvettvang og segja skilið við Melabúðina.

Friðrik hefur um árabil rekið Melabúðina í Vesturbænum ásamt bróður sínum Pétri Alan Guðmundssyni.

Friðrik greinir frá þessu á Facebooksíðu sinni:

„Hjartans vinir, kunningjar og samstarfsfólk í gegnum árin, Nú þegar ég kveð Melabúðina, þín verslun sem starfsvettvang og leita á önnur mið vil ég þakka ykkur öllum góða viðkynningu, vináttu og samstarf í gegnum árin,“ skrifar Friðrik.

Ekki náðist í Friðrik við gerð fréttarinnar.