LeBron leiddi Lakers til sigurs í endurkomunni

LeBron James snéri aftur í liði LA Lakers í nótt og fór mikinn er Lakers lagði nágranna sína í Clippers í framlengdum leik.

James skoraði 24 stig, tók 14 fráköst og gaf 9 stoðsendingar í leiknum. Fínasta endurkoma eftir að hafa misst af 17 síðustu leikjum liðsins en hann spilaði síðast á jóladag.

Það mátti þó sjá að hinn 34 ára gamli James var ekki alveg 100 prósent og hann veigraði sér við að sækja á körfuna. Hann fer sér hægt og veit hvað hann ræður við hverju sinni.

@KingJames puts up 24 PTS, 14 REB, 9 AST, leading the @Lakers to victory in his return to action! #LakeShowpic.twitter.com/tNQvfJD7xl

— NBA (@NBA) February 1, 2019

Joel Embiid og Ben Simmons skoruðu báðir 26 stig fyrir Philadelphia sem vann gríðarlega sterkan útisigur á Golden State en meistararnir voru búnir að vinna ellefu leiki í röð.

.@JoelEmbiid (26 PTS, 20 REB) & @BenSimmons25 (26 PTS, 8 REB, 6 AST) guide the @sixers to the road win over GSW! #HereTheyComepic.twitter.com/0w6GORohE1

— NBA (@NBA) February 1, 2019

Steph Curry verður ekki sakaður um að hafa ekki lagt sitt af mörkum fyrir Golden State því hann skoraði 41 stig í leiknum og setti niður 10 af 18 þriggja stiga skotum sínum.

#StephenCurry heats up for 23 PTS, 6 3PM in the opening half on @NBAonTNT! #DubNationpic.twitter.com/t7zlHO6Pgn

— NBA (@NBA) February 1, 2019

Úrslit:

Detroit-Dallas  92-89

Orlando-Indiana  107-100

Toronto-Milwaukee  92-105

San Antonio-Brooklyn  117-114

Golden State-Philadelphia  104-113

LA Clippers-LA Lakers 120-123 (e. frl.)

Staðan í NBA-deildinni.