Curry-bræðurnir eru báðir með í ár

Fleiri munu örugglega sýna þriggja stiga skotkeppni Stjörnuleikhelgar NBA-deildarinnar í körfubolta í ár meiri áhuga en undanfarin ár.

Ástæðan er að Curry-bræðurnir, Stephen og Seth, ætla þar að keppa við hvorn annan og átta aðrar skyttur úr deildinni.

Stephen er að flestum talinn verða besta þriggja stiga í sögu NBA-deildarinnar og hann er á góðri leið með því að bæta flest met tengdum þriggja stiga körfum. Seth hefur fengið minni athygli en hefur verið lengi í deildinni og er einnig góður skotmaður.

Dirk Nowitzki ætlar líka að vera með en hann er á sínu síðasta tímabili í NBA-deildinni og fékk ásamt Dwyane Wade sérstakt aukasæti í stjörnuleiknum.

From shootouts in the backyard to a shootout on the biggest stage. Gonna beat up on you like old times @StephenCurry30 lol #3PointContest

— Seth Curry (@sdotcurry) February 6, 2019

Seth Curry tjáði sig um keppnina við bróður sinn inn á Twitter-síðu sinni.

„Frá skotkeppnum í bakgarðinum til skotkeppni á stærsta sviðinu. Ég ætla vinna þig núna eins og í öll hin skiptin,“ skrifaði Seth Curry sem hefur lengi þurft að sætta sig við það að vera í skugga eldri bróður síns. Nú gæti hann krækt í sviðsljósið.

Hér fyrir neðan má sjá flotta mynd af öllum tíu þátttakendunum í þriggja stiga skotkeppninni í ár. Nú er bara að sjá hvort Curry-bræðurnir komast báðir í úrslitin.

Hér fyrir neðan má líka sjá listann yfir þá leikmenn sen taka þátt í þessum þremur keppnum á Stjörnuleikshelginni.

Troðslukeppnin:

    Dennis Smith Jr., New York Knicks

    Miles Bridges, Charlotte Hornets

    Hamidou Diallo, Oklahoma City Thunder

    John Collins, Atlanta Hawks

Þrigggja stiga skotkeppnin:

    Seth Curry, Portland Trail Blazers

    Stephen Curry, Golden State Warriors

    Dirk Nowitzki, Dallas Mavericks

    Buddy Hield, Sacramento Kings

    Damian Lillard, Portland Trail Blazers

    Khris Middleton, Milwaukee Bucks

    Kemba Walker, Charlotte Hornets

    Danny Green, Toronto Raptors

    Devin Booker, Phoenix Suns

    Joe Harris, Brooklyn Nets

Tækniþrautabrautin:

    Luka Doncic, Dallas Mavericks

    Trae Young, Atlanta Hawks

    De'Aaron Fox, Sacramento Kings

    Mike Conley, Memphis Grizzlies

    Nikola Jokic, Denver Nuggets

    Jayson Tatum, Boston Celtics

    Kyle Kuzma, Los Angeles Lakers

    Nikola Vucevic, Orlando Magic