Rotaði andstæðing er hann ætlaði að troða | Myndband

Óhugnalegt atvik átti sér stað í NBA-deildinni í nótt þegar Oklahoma City Thunder og Minnesota Timberwolves mættust.

Andrew Wiggins, leikmaður Minnesota, ákvað þá að troða yfir stóra manninn hjá Oklahoma, Nerlens Noel, en ekki tókst betur til en svo að hann fór með olnbogann í andlitið á Noel og steinrotaði hann.

Brutal fall for Nerlens Noel who was immediately met by the Thunder’s medical team and stretcher. pic.twitter.com/us59JxhTx5

— Up The Thunder (@UpTheThunder) January 9, 2019

Noel féll til jarðar eins og sementspoki og fékk þungt högg á höfuðið í lendingunni.

Hann lá hreyfingarlaus í talsverðan tíma á gólfinu og fór um áhorfendur sem og leikmenn sem eðlilega stóð ekki á sama. Noel var að lokum borinn af velli á börum.