Leita að Guðrúnu Birtu

Lögreglan á höfuðborgarsvæðinu lýsir eftir Guðrúnu Birtu Gunnarsdóttur 22 ára.  Ekkert er vitað um ferðir hennar frá því um klukkan fimm síðastliðna nótt í Breiðholti. Guðrún Birta er 152 sentímetrar á hæð, með skolleitt millisítt hrokkið hár og smá ör undir öðru auga.

Talið er að Guðrún Birta sé klædd í svartar joggingbuxur, dökkbláan mittisjakka og í hvítum sandölum, með bláan bakpoka. Einnig gæti hún verið með ljósbrúnt poncho yfir sér.  Íbúar í Breiðholti og nágrenni eru beðnir um að leita í nær umhverfi sínu (t.d. kjallarar, ruslageymslur osfrv.).

Þeir sem geta gefið upplýsingar um ferðir Guðrúnar Birtu eru beðnir um að hafa samband við lögreglu í síma 112.

Uppfært mánudag klukkan 13:52

Guðrún Birta er komin í leitirnar.