Tók Nexus fimm ár að sprengja utan af sér húsnæðið Stefán Ó. Jónsson skrifar 16. október 2018 13:51 Í kjallara Glæsibæjar munu spilaáhugamenn og bókmenntaunnendur hreiðra um sig í nýrri verslun Nexus. Vísir/Vilhelm Eftir aðeins fimm og hálft ár í Nóatúni hafa aðstandendur sérvöruverslunarinnar Nexus tekið ákvörðun um að stækka rækilega við sig. Til stendur að opna nýja, 1630 fermetra verslun í kjallara Glæsibæjar, sem eitt sinn hýsti íþróttavöruverslunina Útilíf. Gísli Einarsson, eigandi Nexus, segir ástæðuna fyrir flutningunum einfalda: Starfsemin hafi hreinlega verið búin að sprengja utan af sér húsnæðið í Nóatúni, þangað sem Nexus flutti árið 2013. Verslunin sérhæfir sig í verslun með myndasögur, borðspil, bækur, leikföng, DVD myndir, veggspjöld - í raun öllu því sem tengist vísindaskáldskap eða ævintýrum á einn eða annan hátt. Verslunin hefur jafnframt boðið upp á kennslu og keppnir í borðspilum sem Gísli segir að verði vinsælli með hverju árinu. Nýja húsnæðinu fylgja margvíslegir kostir, að sögn Gísla. Ekki aðeins er rýmið um tvöfalt stærra en verslunin í Nóatúni; sem býður upp á stærri spilaaðstöðu, skrifstofu, verslun og lager, heldur einnig mikið magn bílastæða auk þægilegra strætósamgangna. Þar að auki hafi aðstandendur Nexus fjölda nýrra hugmynda, að sögn Gísla, sem hægt verður að hrinda í framkvæmd með auknu plássi. Hann segir þó of snemmt að gefa upp hvað stendur til, það komi í ljós í fyllingu tímans. Gísli Einarsson, eigandi Nexus.Vísir/GVA Hann segir að nú sé unnið að því að koma aðstöðunni í stand, en ekki hefur verið rekstur í rýminu í um tvö ár. Til að mynda þurfa að bæta aðgengismál en rúllustigarnir fyrir framan verslunina eru sem stendur í ólagi. Þá sé jafnframt ætlunin að standsetja lyftu sem notendur hjólastóla og aðrir sem eiga erfitt með gang geti nýtt sér. Miðbæjaropnun hugsanleg Áður en Nexus fluttist í Nóatún hafði verslunin aðsetur á Hverfisgötu og voru margir sem grétu brotthvarf búðarinnar úr miðbænum, eftir um 18 ára veru þar. Þá opnaði Nexus jafnframt útibú í Kringlunni í nóvember árið 2016. Gísli segir að fari svo að verslunin nái að skjóta almennilega rótum í Glæsibæ sé hreint ekki útilokað að Nexus „opni eina litla miðbæjarverslun líka. Það er alveg möguleiki, það fer eftir því hvernig staðan verður hérna eftir tvö - þrjú ár,“ segir Gísli. Þó miðbæjaropnun sé ennþá aðeins á hugmyndastigi sér Gísli fyrir sér að sú verslun myndi leggja mesta áherslu á bókmenntir, jafnt bækur sem og teiknimyndasögur. „Og kannski eitthvað fyrir túristana, en þetta eru bara pælingar. Þetta er samt ekki eitthvað sem verður ráðist í fyrr en við vitum að við höfum gert rétt með þessari stækkun,“ bætir Gísli við. Vonir standa til að hægt verði að opna Nexus í Glæsibæ í lok vikunnar - í síðasta lagi um helgina. Í það minnsta verið blásið til heljarinnar opnunargleði á laugardag. Spilaaðstaðan í Nóatúni verði þó opin í einhverjar vikur að en hún flyst svo alfarið í stærra rými við hlið verslunarinnar í kjallara Glæsibæjar. Borðspil Reykjavík Verslun Mest lesið Meðallaun 758 þúsund á mánuði Viðskipti innlent Viðvörunarbjöllur glymja vegna Kína og sjaldgæfra málma Viðskipti erlent Skor flytur: „Ansi þreytt“ að þurfa að reka fólk út klukkan tíu Viðskipti innlent „Ég veit ekki alveg hvað er að fara að gerast“ Viðskipti innlent Þorgerður skipuð forstjóri ÁTVR Viðskipti innlent SFF hafna ásökunum bifreiðaeigenda Viðskipti innlent Saka hagfræðing SFF um að reyna að draga úr samkeppni í tryggingum Viðskipti innlent Ráðinn framkvæmdastjóri Janusar heilsueflingar Viðskipti innlent „Klárlega“ breytingar í ytra umhverfi sem ÁTVR þurfi að laga sig að Viðskipti innlent Ríkið greiddi 25 milljarða í laun Viðskipti innlent Fleiri fréttir SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma Sjá meira
Eftir aðeins fimm og hálft ár í Nóatúni hafa aðstandendur sérvöruverslunarinnar Nexus tekið ákvörðun um að stækka rækilega við sig. Til stendur að opna nýja, 1630 fermetra verslun í kjallara Glæsibæjar, sem eitt sinn hýsti íþróttavöruverslunina Útilíf. Gísli Einarsson, eigandi Nexus, segir ástæðuna fyrir flutningunum einfalda: Starfsemin hafi hreinlega verið búin að sprengja utan af sér húsnæðið í Nóatúni, þangað sem Nexus flutti árið 2013. Verslunin sérhæfir sig í verslun með myndasögur, borðspil, bækur, leikföng, DVD myndir, veggspjöld - í raun öllu því sem tengist vísindaskáldskap eða ævintýrum á einn eða annan hátt. Verslunin hefur jafnframt boðið upp á kennslu og keppnir í borðspilum sem Gísli segir að verði vinsælli með hverju árinu. Nýja húsnæðinu fylgja margvíslegir kostir, að sögn Gísla. Ekki aðeins er rýmið um tvöfalt stærra en verslunin í Nóatúni; sem býður upp á stærri spilaaðstöðu, skrifstofu, verslun og lager, heldur einnig mikið magn bílastæða auk þægilegra strætósamgangna. Þar að auki hafi aðstandendur Nexus fjölda nýrra hugmynda, að sögn Gísla, sem hægt verður að hrinda í framkvæmd með auknu plássi. Hann segir þó of snemmt að gefa upp hvað stendur til, það komi í ljós í fyllingu tímans. Gísli Einarsson, eigandi Nexus.Vísir/GVA Hann segir að nú sé unnið að því að koma aðstöðunni í stand, en ekki hefur verið rekstur í rýminu í um tvö ár. Til að mynda þurfa að bæta aðgengismál en rúllustigarnir fyrir framan verslunina eru sem stendur í ólagi. Þá sé jafnframt ætlunin að standsetja lyftu sem notendur hjólastóla og aðrir sem eiga erfitt með gang geti nýtt sér. Miðbæjaropnun hugsanleg Áður en Nexus fluttist í Nóatún hafði verslunin aðsetur á Hverfisgötu og voru margir sem grétu brotthvarf búðarinnar úr miðbænum, eftir um 18 ára veru þar. Þá opnaði Nexus jafnframt útibú í Kringlunni í nóvember árið 2016. Gísli segir að fari svo að verslunin nái að skjóta almennilega rótum í Glæsibæ sé hreint ekki útilokað að Nexus „opni eina litla miðbæjarverslun líka. Það er alveg möguleiki, það fer eftir því hvernig staðan verður hérna eftir tvö - þrjú ár,“ segir Gísli. Þó miðbæjaropnun sé ennþá aðeins á hugmyndastigi sér Gísli fyrir sér að sú verslun myndi leggja mesta áherslu á bókmenntir, jafnt bækur sem og teiknimyndasögur. „Og kannski eitthvað fyrir túristana, en þetta eru bara pælingar. Þetta er samt ekki eitthvað sem verður ráðist í fyrr en við vitum að við höfum gert rétt með þessari stækkun,“ bætir Gísli við. Vonir standa til að hægt verði að opna Nexus í Glæsibæ í lok vikunnar - í síðasta lagi um helgina. Í það minnsta verið blásið til heljarinnar opnunargleði á laugardag. Spilaaðstaðan í Nóatúni verði þó opin í einhverjar vikur að en hún flyst svo alfarið í stærra rými við hlið verslunarinnar í kjallara Glæsibæjar.
Borðspil Reykjavík Verslun Mest lesið Meðallaun 758 þúsund á mánuði Viðskipti innlent Viðvörunarbjöllur glymja vegna Kína og sjaldgæfra málma Viðskipti erlent Skor flytur: „Ansi þreytt“ að þurfa að reka fólk út klukkan tíu Viðskipti innlent „Ég veit ekki alveg hvað er að fara að gerast“ Viðskipti innlent Þorgerður skipuð forstjóri ÁTVR Viðskipti innlent SFF hafna ásökunum bifreiðaeigenda Viðskipti innlent Saka hagfræðing SFF um að reyna að draga úr samkeppni í tryggingum Viðskipti innlent Ráðinn framkvæmdastjóri Janusar heilsueflingar Viðskipti innlent „Klárlega“ breytingar í ytra umhverfi sem ÁTVR þurfi að laga sig að Viðskipti innlent Ríkið greiddi 25 milljarða í laun Viðskipti innlent Fleiri fréttir SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma Sjá meira