Lögreglumaður dæmdur fyrir líflátshótanir á Snapchat

Héraðsdómur Reykjaness hefur dæmt lögreglumann í þrjátíu daga skilorðsbundið fanglesi vegna hótana sem hann sendi konu á samfélagsmiðlinum Snapchat í lok janúar síðastliðinn. Frá þessu er greint á vef RÚV.

Dómurinn hefur enn ekki verið birtur en samkvæmt heimildum Vísis var lögreglumaðurinn, sem er tæplega þrítugur, sakfelldur fyrir fjóra ákæruliði af sex. Hann var sýknaður af blygðunarsemisbroti og eina hótunina.

Vísir greindi frá því í síðasta mánuði  að lögreglumaðurinn hafi ekki verið við störf síðan málið kom upp í lok janúar. Málið sé í viðeigandi ferli.

Í ákærunni kom fram að þau skilaboð sem maðurinn sendi hafi verið til þess fallin „að særa blygðunarsemi hennar og valda henni ótta um líf, heilbrigði og velferð sína“.

Ákæruliðirnir sex

Skilaboðin sem lögreglumaðurinn var ákærður fyrir voru:

1) „Ætlaru að riða mer a eftir? [...] Viltu mig? Riddu mer doninn þinn [...] Riddu mer beibe“ 

2) „Fokking mella [...] Þu eyðirlagði lif mitt Eg ætla að drepa þig Hehehe“ 

3) „Litla fokking hóran þin Þúrt hóra [B] [...] Það er það sem þu ert Hóra Hóra Ekkert nema hóra Eg hata þig Fokking deyðu [B]“ 

4) „Eg hata þig [B] Þu ert exactly the whore i wanna kill“ 

5) „Ettu drullu hóra Hata þig Mun brjóta Þig Ef þu kmr nalægt Mer Hata þig Fokking hata þig ;)“ 

6) „Ja eg fokking vona að þu deyir Ógeðiðþitt Eg hata þig utaf lifinu Þu eyðilagðir lif mitt Þu fokking eyðilagðir það [...] Eg mun fkn lata þig gjalda f það“