Margir vilja banna flugelda

Meirihluti landsmanna er fylgjandi því að settar verði strangari reglur um notkun flugelda og fjórðungur vill banna almenna notkun þeirra með öllu. Þetta er meðal niðurstaðna nýrrar rannsóknar vísindamanna við Háskóla Íslands á viðhorfi almennings til flugelda og notkunar þeirra.

Svifryksmengun á höfuðborgarsvæðinu var mæld síðustu tólf áramót. Niðurstöður sýna að dægurgildi svifryks, sem er minna en tíu míkrómetrar í þvermál, fór ítrekað yfir heilsuverndarmörk í Reykjavík og nágrenni.

Hæsta klukkustundargildi fíns svifryks, sem er minna en 2,5 míkrómetrar í þvermál, mældist í Dal­smára í Kópavogi eða 3.000 míkró­grömm á rúmmetra. Er það talið Evrópumet í mengun.