Páfi fundaði með þolendum kynferðislegs ofbeldis

Frans páfi segist skammast sín fyrir hversu illa Kaþólsku kirkjunni hefur gengið að taka á hinu „viðurstyggilegu“ kynferðislega ofbeldi sem viðgengist hefur meðal sumra presta kirkjunnar. Páfi hitti átta þolendur kynferðislegs ofbeldis af hálfu presta í Írlandi í dag.

Er hann þar staddur í tveggja daga opinberri heimsókn og fundaði hann með þolendunum síðdegis í dag í um 90 mínútur þar sem hann sagði meðal annars að kynferðislegt ofbeldi af hálfu presta væri „ógeðslegt“.

Páfinn fundaði með Leo Varadkar, forsætisráðherra Írlands í dag og í ræðu endurrómaði hann orð sín úr bréfi sem hann skrifaði kaþólsku fólki um allan heim á dögunum þar sem hann sagði mikilvægt að uppræta þyrfti kynferðisbrot kaþólskra presta.

Sagðist páfi hafa einsett sér að útrýma slíku ofbeldi og að það yrði gert „hvað sem það kostaði“.