Golden State með stórsigur á Houston

Golden State Warriors unnu Houston Rockets með 41 stigi, 126-85, í úrslitaeinvígi Vesturdeildarinnar í nótt. Með sigrinum eru Golden State eru komnir 2-1 yfir í einvíginu.

Stephen Curry var frábær í liði Golden State. Hann skoraði 35 stig, þar af fimm þriggja stiga körfur. Kevin Durant bætti við 25 stigum, tók sex fráköst og gaf sex stoðsendingar. Draymond Green tók 17 fráköst auk þess að skora 10 stig og gefa sex stoðsendingar.

Í liði Houston var James Har­den atkvæðamestur með 20 stig. Chris Paul skoraði 13 stig og tók 10 fráköst. Samtals hittu þeir aðeins úr 12 af 32 skotum sínum í leiknum.

Þetta var 16. heimasigur Golden State í röð og bætti liðið þar með met Chicago Bulls frá árinu 1991. Næsti leikur Golden State og Houston fer fram annað kvöld.

Steph Curry DANCIN'!

18 PTS in the 3rd Q for Steph on @NBAonTNT#DubNationpic.twitter.com/PBeJ2hUU4w

— NBA (@NBA) May 21, 2018