Sergei Skrípal, fyrrverandi gagnnjósnari, og Júlía dóttir hans eru mögulega með heilaskaða eftir að ráðist var á þau með svokölluðu novichok-taugaeitri í Salisbury fyrr í mánuðinum. Þetta sagði breskur dómari í gær. Sagði hann jafnframt óvíst hvort þau myndu ná bata.
Bretar og bandamenn þeirra hafa sakað Rússa um að standa að árásinni en Skrípal var dæmdur í fangelsi fyrir njósnir í heimalandinu Rússlandi árið 2006. Hann hefur hins vegar búið í Bretlandi frá 2010 eftir njósnaraskipti. Rússar hafa hins vegar hafnað ásökunum.
Samkvæmt lækni sem dómari vísaði til í gær, þegar dómstóllinn veitti leyfi fyrir töku blóðsýnis svo efnavopnarannsakendur gætu staðfest að um taugaeitur hafi verið að ræða, eru Skrípal-feðgin nú á deyfilyfjum og geti ekki tjáð sig.
Mögulega með heilaskaða
Tengdar fréttir
Segja ummæli Boris viðurstyggð
Rússneskir stjórnmálamenn eru æfir yfir samlíkingum Boris Johnson, utanríkisráðherra Bretlands, á HM í Rússlandi við Ólympíuleikana í Þýskalandi nasismans árið 1936
Lögreglumaður sem veiktist í taugareitursárás útskrifaður
Aðstoðarvarðstjórinn segir að venjulegt líf sitt verði líklega aldrei samt aftur.
Ekkert liggur fyrir um hvort eða hvaða ráðamenn fara til Rússlands í sumar
Ekki búið að ganga frá neinum miðum fyrir ráðherra og aðstoðarfólk af hálfu ráðuneytisins.
