Mannskæður eldsvoði í verslunarmiðstöð í Síberíu

Að minnsta kosti 37 létust þegar eldur kom upp í verslunarmiðstöð í borginni Kemerovo í Síberíu í dag. Fjölda fólks er saknað og eru börn á meðal þeirra.

Eldurinn kviknaði á fjórðu hæð þar sem afþreyingarrými verslunarmiðstöðvarinnar er og af þeim sökum er óttast að fleiri börn séu innlyksa, hefur BBC eftir rússneskum miðlum.

Í örvæntingu sinni hefur fólk stokkið út um glugga verslunarmiðstöðvarinnar til að forðast eldinn.

Eldsupptök eru ókunn og er slökkvistarf í fullum gangi.

Просто ад pic.twitter.com/AHoSSluBbL

— Dasha (@DashaOy) March 25, 2018