Körfubolti

Draymond Green stýrði Warrors til sigurs

Ástrós Ýr Eggertsdóttir skrifar
Draymond Green fékk að prófa að vera þjálfari í nótt
Draymond Green fékk að prófa að vera þjálfari í nótt visir/getty
Meistararnir í Golden State Warriors unnu auðveldan sigur á Phoenix Suns á heimavelli í NBA deildinni í körfubolta í nótt. Það sem vakti athygli í leiknum í gær var þó ekki frammistaða leikmannanna inni á vellinum, heldur það að leikmennirnir sjálfir tóku að sér hlutverk þjálfarans í leiknum.

Í hvert skipti sem tekið var leikhlé í leiknum lét Steve Kerr, þjálfari liðsins, teikniborðið í hendurnar á leikmanni liðsins og sá hinn sami sá um að stjórna leikhléinu.





„Þetta er þeirra lið. Þeir þurfa að standa upp og axla ábyrgð á því. Sem þjálfarar er það okkar starf að ýta þeim í rétta átt en við stjórnum þeim ekki. Þeir ákveða sjálfir hver örlög þeirra verða. Mér finnst við ekki hafa náð að einbeita okkur mjög vel í síðustu leikjum og þetta virtist vera það rétta í stöðunni,“ sagði Kerr eftir leikinn.

Draymond Green, sem spilaði ekki í nótt vegna meiðsla, fékk að stjórna flestum leikhléum en David West og Andre Iguodala voru á meðal þeirra sem fengu einnig að spreyta sig.

Leikurinn endaði með 129-83 sigri Warriors sem tóku leikinn algjörlega í sínar hendur í öðrum og þriðja leikhluta. Liðið er í efsta sæti Vesturdeildarinnar með tvo sigra á Houston Rockets.





Úrslit næturinnar:

Detroit Pistons - New Orleans Pelicans 103-118

Philadelphia 76ers - New York Knicks 108-92

Brooklyn Nets - LA Clippers 101-114

Chicago Bulls - Orlando Magic 105-101

Utah Jazz - San Antonio Spurs 101-99

Golden State Warriors - Phoenix Suns 129-83

NBA

Mest lesið


Fleiri fréttir

Sjá meira


×

Mest lesið