Með kauprétt að 21 prósents hlut í Valitor Hörður Ægisson skrifar 14. febrúar 2018 06:30 Valitor er verðmætasta dótturfélag Arion banka en virði þess er líklega vel á þriðja tug milljarða. VÍSIR/STEFÁN Meirihluti hluthafa Arion banka, meðal annars vogunarsjóðir og Kaupþing, sækist nú eftir því að Valitor verði aðgreint frá bankanum, áður en kemur að útboði og skráningu í vor, þannig að hlutabréf kortafyrirtækisins verði að stærstum hluta greidd út í formi arðs til hluthafa. Við slíka ráðstöfun myndu erlendir vogunarsjóðir og Goldman Sachs, sem eignuðust liðlega 30 prósenta hlut í Arion banka fyrir um ári, jafnframt eiga kauprétt að 21,4 prósenta hlut til viðbótar í Valitor af Kaupþingi, samkvæmt heimildum Markaðarins. Er kauprétturinn á um helmingi hærra verði en sem nemur bókfærðu virði Valitor í reikningum Arion banka. Ekki er samstaða um það á meðal eigenda bankans að hlutabréf Valitor verði greidd út í arð en sú ráðstöfun þarf samþykki stjórnar bankans. Bankasýslan, sem heldur utan um 13 prósenta hlut ríkisins í Arion banka og á einn mann í stjórn, hefur þannig komið þeirri skoðun sinni skýrt á framfæri við Kaupþing að stofnunin sé mótfallin slíkri arðgreiðslu og að fremur eigi að selja fyrirtækið í opnu söluferli. Afstaða vogunarsjóðanna og Kaupþings, ásamt ráðgjöfum félagsins, er hins vegar sú að það yrði til þess fallið að auka áhuga erlendra fjárfesta á þátttöku í fyrirhuguðu hlutafjárútboði Arion banka ef Valitor yrði aðskilið frá samstæðunni. Afkoma af undirliggjandi rekstri Valitor síðustu ár hafi verið dræm og þá séu í gangi dómsmál sem höfðuð hafa verið gegn félaginu, þar sem krafist sé margra milljarða króna í skaðabætur, og hafa ekki verið til lykta leidd. Andstaða Bankasýslunnar við áform stærstu hluthafa um að aðgreina Valitor frá bankanum fyrir útboð með því að ráðstafa hlutabréfum þess í arð til eigenda gæti aukið líkur á því, að sögn þeirra sem þekkja vel til stöðu mála, að Kaupþing nýti sér kauprétt að 13 prósenta hluta ríkisins í bankanum. Samkvæmt þeim kauprétti, sem grundvallast á hluthafasamkomulagi frá árinu 2009, þyrfti Kaupþing að greiða í kringum 23 milljarða króna fyrir eignarhlut ríkisins í bankanum. Fyrrnefndur kaupréttur vogunarsjóða – Taconic Capital, Attestor Capital og Och-Ziff Capital – og Goldmans Sachs á hlutabréfum í Valitor af Kaupþingi virkjast aðeins komi til þess að bréfin í kortafyrirtækinu greiðist út til hluthafa með arðgreiðslu eða öðrum sambærilegum hætti. Samið var um kaupréttinn samhliða því að gengið var frá kaupum fjárfestahópsins á tæplega 30 prósenta hlut Kaupþings í Arion banka í mars 2017. Það var fréttaskýringarþátturinn Spegillinn sem upplýsti fyrst um tilurð kaupréttarins í apríl í fyrra. Samkvæmt heimildum Markaðarins er ekki gert ráð fyrir því að Arion banki, sem á allt hlutafé í Valitor, muni greiða út öll sín hlutabréf í félaginu í formi arðgreiðslu til hluthafa heldur muni halda eftir um liðlega 20 prósenta hlut. Gangi það eftir myndu vogunarsjóðirnir og Goldman Sachs eignast að óbreyttu samanlagt um 24 prósenta hlut í Valitor auk þess að eiga kauprétt að 21,4 prósenta hlut í félaginu af Kaupþingi. Ef allir sjóðirnir myndu nýta sér þann kauprétt, sem er ekki endilega víst, ættu þeir því samtals um 45 prósenta hlut í Valitor. Ljóst er að Valitor er verðmætasta dótturfélag Arion banka – í reikningum bankans er þó ekki sérstaklega getið hvers virði eignin er – en samkvæmt heimildum Markaðarins er kaupréttur sjóðanna og bandaríska fjárfestingarbankans sem fyrr segir á umtalsvert hærra verði en nemur bókfærðu virði félagsins í bókum bankans. Samkvæmt ársreikningi Valitor Holding nam eigið fé félagsins rúmlega 15 milljörðum í árslok 2016. Ætla má hins vegar, sé tekið mið af margföldurum erlendra samanburðarfélaga, að markaðsvirði Valitor sé vel á þriðja tug milljarða króna. Birtist í Fréttablaðinu Mest lesið Heimsskortur á pistasíum vegna Dúbaí-súkkulaðis Viðskipti erlent Fyrsta íslenska grænkera ostagerðin í hættu Viðskipti innlent Elskar kaffi að ítölskum sið og línulega dagskrá Atvinnulíf Hvar er opið um páskana? Neytendur Systkinin öll verið forsetar: „Tvö félög, tvöfalt stuð!“ Atvinnulíf Plastkubbahús sem eru íslensk hönnun og framleiðsla Samstarf Ölgerðin ræður tvo markaðsstjóra Viðskipti innlent Allri stjórn Landsvirkjunar skipt út Viðskipti innlent Trump hafi „ekki hugmynd“ um hvað hann sé að gera Viðskipti erlent Algengast að óljósar starfslýsingar valdi togstreitu og gremju Viðskipti innlent Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira
Meirihluti hluthafa Arion banka, meðal annars vogunarsjóðir og Kaupþing, sækist nú eftir því að Valitor verði aðgreint frá bankanum, áður en kemur að útboði og skráningu í vor, þannig að hlutabréf kortafyrirtækisins verði að stærstum hluta greidd út í formi arðs til hluthafa. Við slíka ráðstöfun myndu erlendir vogunarsjóðir og Goldman Sachs, sem eignuðust liðlega 30 prósenta hlut í Arion banka fyrir um ári, jafnframt eiga kauprétt að 21,4 prósenta hlut til viðbótar í Valitor af Kaupþingi, samkvæmt heimildum Markaðarins. Er kauprétturinn á um helmingi hærra verði en sem nemur bókfærðu virði Valitor í reikningum Arion banka. Ekki er samstaða um það á meðal eigenda bankans að hlutabréf Valitor verði greidd út í arð en sú ráðstöfun þarf samþykki stjórnar bankans. Bankasýslan, sem heldur utan um 13 prósenta hlut ríkisins í Arion banka og á einn mann í stjórn, hefur þannig komið þeirri skoðun sinni skýrt á framfæri við Kaupþing að stofnunin sé mótfallin slíkri arðgreiðslu og að fremur eigi að selja fyrirtækið í opnu söluferli. Afstaða vogunarsjóðanna og Kaupþings, ásamt ráðgjöfum félagsins, er hins vegar sú að það yrði til þess fallið að auka áhuga erlendra fjárfesta á þátttöku í fyrirhuguðu hlutafjárútboði Arion banka ef Valitor yrði aðskilið frá samstæðunni. Afkoma af undirliggjandi rekstri Valitor síðustu ár hafi verið dræm og þá séu í gangi dómsmál sem höfðuð hafa verið gegn félaginu, þar sem krafist sé margra milljarða króna í skaðabætur, og hafa ekki verið til lykta leidd. Andstaða Bankasýslunnar við áform stærstu hluthafa um að aðgreina Valitor frá bankanum fyrir útboð með því að ráðstafa hlutabréfum þess í arð til eigenda gæti aukið líkur á því, að sögn þeirra sem þekkja vel til stöðu mála, að Kaupþing nýti sér kauprétt að 13 prósenta hluta ríkisins í bankanum. Samkvæmt þeim kauprétti, sem grundvallast á hluthafasamkomulagi frá árinu 2009, þyrfti Kaupþing að greiða í kringum 23 milljarða króna fyrir eignarhlut ríkisins í bankanum. Fyrrnefndur kaupréttur vogunarsjóða – Taconic Capital, Attestor Capital og Och-Ziff Capital – og Goldmans Sachs á hlutabréfum í Valitor af Kaupþingi virkjast aðeins komi til þess að bréfin í kortafyrirtækinu greiðist út til hluthafa með arðgreiðslu eða öðrum sambærilegum hætti. Samið var um kaupréttinn samhliða því að gengið var frá kaupum fjárfestahópsins á tæplega 30 prósenta hlut Kaupþings í Arion banka í mars 2017. Það var fréttaskýringarþátturinn Spegillinn sem upplýsti fyrst um tilurð kaupréttarins í apríl í fyrra. Samkvæmt heimildum Markaðarins er ekki gert ráð fyrir því að Arion banki, sem á allt hlutafé í Valitor, muni greiða út öll sín hlutabréf í félaginu í formi arðgreiðslu til hluthafa heldur muni halda eftir um liðlega 20 prósenta hlut. Gangi það eftir myndu vogunarsjóðirnir og Goldman Sachs eignast að óbreyttu samanlagt um 24 prósenta hlut í Valitor auk þess að eiga kauprétt að 21,4 prósenta hlut í félaginu af Kaupþingi. Ef allir sjóðirnir myndu nýta sér þann kauprétt, sem er ekki endilega víst, ættu þeir því samtals um 45 prósenta hlut í Valitor. Ljóst er að Valitor er verðmætasta dótturfélag Arion banka – í reikningum bankans er þó ekki sérstaklega getið hvers virði eignin er – en samkvæmt heimildum Markaðarins er kaupréttur sjóðanna og bandaríska fjárfestingarbankans sem fyrr segir á umtalsvert hærra verði en nemur bókfærðu virði félagsins í bókum bankans. Samkvæmt ársreikningi Valitor Holding nam eigið fé félagsins rúmlega 15 milljörðum í árslok 2016. Ætla má hins vegar, sé tekið mið af margföldurum erlendra samanburðarfélaga, að markaðsvirði Valitor sé vel á þriðja tug milljarða króna.
Birtist í Fréttablaðinu Mest lesið Heimsskortur á pistasíum vegna Dúbaí-súkkulaðis Viðskipti erlent Fyrsta íslenska grænkera ostagerðin í hættu Viðskipti innlent Elskar kaffi að ítölskum sið og línulega dagskrá Atvinnulíf Hvar er opið um páskana? Neytendur Systkinin öll verið forsetar: „Tvö félög, tvöfalt stuð!“ Atvinnulíf Plastkubbahús sem eru íslensk hönnun og framleiðsla Samstarf Ölgerðin ræður tvo markaðsstjóra Viðskipti innlent Allri stjórn Landsvirkjunar skipt út Viðskipti innlent Trump hafi „ekki hugmynd“ um hvað hann sé að gera Viðskipti erlent Algengast að óljósar starfslýsingar valdi togstreitu og gremju Viðskipti innlent Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira