Sonja ráðin viðskiptastjóri hjá OK

Í tilkynningu kemur fram að hún sé með B.Sc. gráðu í viðskiptafræði frá Háskóla Íslands.

„Ég er mjög spennt og ánægð með að hafa gengið til liðs við OK. Fyrirtækið hefur á að skipa öflugu fagfólki og spennandi lausnum fyrir fyrirtæki og ég hlakka til að kynnast viðskiptavinum og takast á við ný verkefni,“ segir Sonja.

OK er tæknifyrirtæki sem býður fyrirtækjum og stofnunum lausnir og þjónustu á sviði upplýsingatækni. Um 150 manns starfa hjá fyrirtækinu.

„Við erum mjög ánægð með að fá Sonju til liðs við okkur. Við hjá OK leggjum mikla áherslu á að byggja upp traust langtímasambönd við okkar viðskiptavini, þar sem við þekkjum vel þeirra starfsemi og þarfir. Viðskiptastjórar gegna lykilhlutverki í þeirri nálgun og við teljum að reynsla Sonju falli mjög vel að þeim áherslum,“ segir Karl Óskar Kristbjarnarson, forstöðumaður viðskiptastýringar hjá OK.