LeBron kveikti í sínum mönnum gegn gamla liðinu

Það hefur hvorki gengið né rekið hjá Cleveland Cavaliers síðustu misseri og daginn eftir að hafa misst Kevin Love í meiðsli vann liðið sterkan sigur á Miami.

LeBron James fór fyrir Cleveland eins og alltaf með því að skora 24 stig, taka 11 fráköst og gefa 5 stoðsendingar.

Skotnýting Cleveland var reyndar skelfileg í leiknum eða 35 prósent. Það er lélegasta skotnýting liðsins í sigurleik síðan James snéri aftur til félagsins frá Miami.

Isaiah Thomas heldur áfram að vera í vandræðum í búningi Cleveland en hann hitti aðeins úr tveimur af fimmtán skotum sínum í nótt.

CJ McCollum var magnaður í liði Portland í nótt gegn gegn Chicago. Hann skoraði 50 stig í leiknum og þar af 28 stig í fyrsta leikhluta sem er félagsmet.

Úrslit:

Indiana-Memphis  105-101

Orlando-LA Lakers  127-105

Atlanta-Charlotte 110-123

Brooklyn-Philadelphia   116-108

Cleveland-Miami  91-89

Boston-NY Knicks  103-73

Portland-Chicago  124-108

Phoenix-Dallas  102-88