Clippers sendi Griffin til Detroit

Mjög óvænt félagaskipti áttu sér stað í NBA-deildinni í nótt er Los Angeles Clippers ákvað senda stórstjörnu liðsins, Blake Griffin, til Detroit Pistons.

Í staðinn fær Clippers þá Avery Bradley, Boban Marjanovic og Tobias Harris. Sömuleiðis fær Clippers valrétt í fyrstu og annarri umferð í nýliðavalinu 2019. Griffin fór ekki einn til Detroit því Brice Johnson og Willie Reed voru sendir með honum til Michigan.

Það sáu fáir þetta fyrir og ekki síst í ljósi þess að síðasta sumar skrifaði Griffin undir nýjan fimm ára samning við Clippers sem átti að færa honum 173 milljónir dollara í vasann. Þá var Clippers búið að missa Chris Paul og nú er Griffinn farinn sömuleiðis.

Clippers þarf því að byggja upp nýtt lið á nýjan leik þar sem þekktustu leikmenn liðsins síðustu árin eru farnir.