Geir búinn að velja 16 manna hóp fyrir EM | Ágúst Elí tekur sæti Arons Rafns

Geir Sveinsson, landsliðsþjálfari í handbolta, er búinn að velja þá 16 leikmenn sem fara á EM 2018 í Króatíu í næsta mánuði en þar ber hæst að markvörðurinn Aron Rafn Eðvarðsson er ekki í hópnum.

Ágúst Elí Björgvinsson, markvörður FH, fer á sitt fyrsta stórmót en Aron Rafn er búinn að verja mark íslenska liðsins á öllum stórmótum ásamt Björgvin Páli síðan 2012.

Ýmir Örn Gíslason, varnar- og línumaður Vals, fer einnig á sitt fyrsta stórmót en þeir eru einu stórmótanýliðarnir í hópnum. Reynsluboltinn Arnór Atlason fer með.

Aron Pálmarsson snýr aftur á stórmót eftir að missa af HM í fyrra en Kári Kristján Kristjánsson er búinn að spila sig inn í landsliðið á nýjan leik og er ásamt Arnari Frey Arnarssyni línumaður landsliðsins.

Olís-deildarleikmennirnir Daníel Þór Ingason, Elvar Örn Jónsson og Óðinn Þór Ríkharðsson æfa svo með liðinu í aðdraganda mótsins.

Hópinn má sjá að neðan.

Markverðir:

Ágúst Elí Björgvinsson, FH

Björgvin Páll Gústavsson, Haukar

Vinstra horn:

Bjarki Már Elísson, Fuchse Berlin

Guðjón Valur Sigurðsson, Rhein Neckar Löwen

Hægra horn:

Arnór Þór Gunnarsson, Die Bergische Handball Club

Vinstri skyttur:

Aron Pálmarsson, FC Barcelona Lassa

Ólafur Andrés Guðmundsson, IFK Kristianstad

Hægri skyttur:

Ásgeir Örn Hallgrímsson, Nimes

Ómar Ingi Magnússon, Aarhus Håndbold     

Rúnar Kárason, TSV Hannover/Burgdorf

Leikstjórnendur:

Arnór Atlason, Aalborg Håndbold

Janus Daði Smárason, Aalborg Håndbold

Línumenn:

Kári Kristján Kristjánsson, ÍBV

Arnar Freyr Arnarsson, IFK Kristianstad

Varnarmenn:

Bjarki Már Gunnarsson, Stjarnan

Ýmir Örn Gíslason, Valur

Einnig í æfingahóp:

Óðinn Þór Ríkharðsson, FH

Elvar Örn Jónsson, Selfoss

Daníel Þór Ingason, Haukar