Fyrsti fimmfaldi meistarinn í sögu WNBA

Rebekkah Brunson hjálpaði Minnesota Lynx að verða WNBA-meistari í ár en Gaupurnar unnu Los Angeles Sparks í hreinum úrslitaleik um titilinn í kvenna NBA-deildinni í nótt.

Rebekkah Brunson átti fínan leik í oddaleiknum með Minnesota Lynx og endaði með 13 stig, 8 fráköst og 3 stolna bolta. Hún var með 9,5 stig og 6,0 fráköst að meðaltali í úrslitakeppninni.

Rebekkah Brunson skrifaði söguna með þessum titli sem var hennar fimmti í WNBA-deildinni. Enginn leikmaður hefur áður getað kallað sig fimmfaldan WNBA-meistara.

Rebekkah Brunson's 5 titles are the most in WNBA history. pic.twitter.com/n4azuOEMA4

— ESPN Stats & Info (@ESPNStatsInfo) October 5, 2017

Brunson heldur upp á 36 ára afmælið sitt í desember en hún var að klára sitt fjórtánda tímabil í WNBA-deildinni.

Brunson vann sinn fyrsta titil með Sacramento Monarchs árið 2015 en það var hennar annar ár í deildinni og fyrsta tímabilið sem byrjunarliðsmaður.

Hún kom til Minnesota Lynx árið 2010 hefur síðan unnið WNBA-titilinn fjórum sinnum.