Haukar upp í fjórða sætið | Sjáðu mörkin

Haukar eru að gera sig líklega til að blanda sér í baráttuna um sæti í Pepsi-deild karla eftir 2-0 sigur liðsins á Þór í Inkasso-deildinni í kvöld.

Með sigrinum náðu Haukar að koma sér upp fyrir Þór í fjórða sæti deildarinnar og er nú í fjórða sæti deildarinnar með 26 stig.

Haukar eru aðeins fjórum stigum frá toppliði Fylkis, þremur á eftir Keflavík og einu á eftir Þrótti sem eiga þó öll leiki til góða í kvöld.

Björgvin Stefánsson skoraði bæði mörk Hauka í kvöld en fyrra markið kom ekki fyrr en á 77. mínútu. Það síðara kom ellefu mínútum síðar. Mörkin má sjá bæði í spilaranum hér fyrir ofan.

Leiknir Reykjavík hafði betur gegn nöfnum sínum fá Fáskrúðsfirði, 3-1. Ósvald Jarl Traustason, Ragnar Leósson og Ingvar Ásbjörn Ingvarsson skoruðu mörk Reykjavíkurliðsins en Akadiusz Jan Grzelak fyrir Leikni F.

Leiknir R. er með 20 stig eftir sigurinn en Leiknir F. neðst með sjö stig.

Upplýsingar um markaskorara frá úrslit.net.